商台DJ阮小儀一向是愛狗之人，原本飼養2隻芝娃娃，年紀較大的「Dee Dee」早年因病離世後，另一隻「細佬佬」陪伴主人度過喪犬之痛的日子。小儀對細佬佬特別疼錫，經常都會帶牠行街散步，擁有大量細佬佬肖像的產品，IG又貼滿她跟細佬佬的生活照，每張hashtag都忍不住大讚「細佬佬」好靚仔。
近日，細佬佬的身體狀況出現問題，令小儀十分擔心，她在IG都有分享到細佬佬始終年紀大，不想面對的健康問題都要面對，她說：「由於佢身體入面突如其來出現咗唔好嘅狀況，開始喺生活上或之後生命路上要改變好多。遮遮（主人的自稱）由最初唔敢接受，到四出求醫，到唔知選擇啱唔啱嘅方法 去陪佬仔一齊過渡同調理或醫治，遮遮會同細佬佬並肩作戰。幸運係身邊有好多好多朋友喺第一時間提供援助，甚至我哋遇到嘅每一位醫生，都畀到我哋各方面嘅專業資訊，多謝！總之，遮遮同細佬佬都唔知餘下嘅路會再出現乜嘢妖魔鬼怪，但都要積極正面面對去打大佬，只可以係咁吧。同埋要開開心心，始終，生命真係無常。遮遮希望細佬佬之後嘅路唔好太辛苦，可以有關過關，一切平安。生命嘅安排係點，總有佢原因，好好享受而家嘅時光吧！」
雖然面對要照顧患病的細佬佬，不過小儀的大愛仍然不變，近日她為一隻正在被暫托的狗狗公開呼籲尋家，小儀跟這隻7歲大的北京狗合照，北京狗的樣子呆呆得來又非常可愛。小儀留言說：「呢隻小朋友，七歲，北京仔嚟嘅，可愛、超乖、冇脾氣，朋友而家暫託緊，佢而家叫做乖乖。話說佢係畀主人遺棄，可憐豬嚟，主人點解唔要佢？！我不願置評喇。人類對佢嘅無情好彩冇影響到佢，佢仍然鍾愛人類，甚至乎本身如果你屋企有貓貓狗狗，佢都可以親近到，（如果你屋企有蝦蝦霸霸嘅動物，就唔好揀佢，因為佢實係輸嗰個，會畀佢哋撳住嚟打）所以，如果你屋企許何，可以接收呢隻小朋友，佢絕對係天使派嚟嘅小禮物，會令你屋企添加更多快樂，而呢隻小朋友，就從此得到幸福。如果想知更多佢嘅資料，有心領養乖乖的話，可以打55416234 聯絡佢而家嘅暫託人。多謝你。」相信小儀的大愛一定可以感動有心人，希望呢隻乖乖早日可以找到合適的主人，幸福開心健康過餘生。
」，
App內睇文同睇片可隨時捕捉U Fun彩蛋，
換領現金券及禮品！
↓【請您試用】RMK全新卸妝產品！↓
↓以油養膚 享受療愈式潔面體驗～↓
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
