DJ界小富婆阮小儀，電台工作之外，還做司儀、拍節目等，吸金力驚人，曾傳聞她有千萬身家。她作為富家盛女，單身多年，則鍾情於飼養狗仔。她曾經飼養2隻芝蛙蛙，較大年紀的「Dee Dee」早年病逝後，另一隻「細佬佬」陪伴主人經歷喪狗之痛。不過近日，細佬佬的身體狀況出現問題，令小儀十分擔心。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
當日小儀都花上了一年有多的時間，悼念Dee Dee，把傷痛漸漸減輕。留下來的細佬佬，就一直陪伴小儀的重任。小儀經常帶細佬佬周圍去，又會一起出席活動。上月，小儀帶著細佬佬去工作，還影著細佬佬坐私家車，笑言，「細佬佬今日威威呀，做嘉賓，仲有artist車坐𠻹呀!」
現年已經11歲的細佬佬，一直都健康活潑，不過日前小儀卻貼出牠在診所治療的照片，細佬佬戴著「衛星頭罩」於透明膠箱內被觀察情況。作為主人，見到飼養的寵物患病，必定會十分擔心。
當時她分享帖文時，留言正面鼓勵自己和細佬佬，「我們關關難過關關過，遮遮會陪你嘅，唔好擔心太多，佬仔。生命永遠遠有估不到出現的狀況，總之每一次都是學習，結果如何，都是學習。朋友們，原諒我未必太詳盡講太多，因為都有太多事情要去取意見同決定，希望大家給細佬佬多點正能量同集多點氣，我們會努力！沒事的。」
事隔兩日，小儀再出帖文為細佬佬報平安，牠已經於星期六出院，但言語間似乎細佬佬的情況仍有隱憂，「細佬佬星期六已經出咗院，但⋯⋯由於佢身體入面突如其來出現咗唔好嘅狀況，開始喺生活上或之後生命路上要改變好多。遮遮由最初唔敢接受，到四出求醫，到唔知選擇啱唔啱嘅方法，去陪佬仔一齊過渡同調理或醫治，遮遮會同細佬佬並肩作戰。」
這段時間，很多人關心小儀和細佬佬，她收到各位朋友及醫生的關愛，她仍然信念堅強，「總之，遮遮同細佬佬都唔知餘下嘅路會再出現乜嘢妖魔鬼怪，但都要積極正面面對去打大佬，只可以係咁吧。同埋要開開心心，始終，生命真係無常。遮遮希望細佬佬之後嘅路唔好太辛苦，可以有關過關，一切平安。生命嘅安排係點，總有佢原因，好好享受而家嘅時光吧！」
為了令細佬佬有強大的能量，小儀堅持不斷讚美牠以作鼓勵，她表示細佬佬仍然好得意，11歲了仍然好靚仔。加上朋友們和網民的留言加持，相信細佬佬都會平安地生活。
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
