前TVB主播陳嘉倩近年轉型為KOL，每日都會更新IG，同Fans們分享佢嘅日常keep住人氣，不過尋日佢分享嘅一條運動盒片就被意淫，唔知係咪因為咁佢都將影片迅速下架，不過都喺討論區引起咗關注。
陳嘉倩尋日分享佢首次做禪柔運動（gyrotonic）嘅短片，片段中陳嘉倩着上全套瑜伽服，分腳坐喺一個禪柔運動器材上，鏡頭由背面開始影，拍住陳嘉倩每一下俯身向前伸展嘅動態，鏡頭亦一直行到去陳嘉倩正面。
同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意
禪柔運動結合瑜珈、太極、體操和冥想的療癒運動。 禪柔屬於溫和易做、強調流暢性的全身性運動，由於注重脊椎的多面向活動，所以又有人稱為「脊椎螺旋運動」。原本係一樣健康正面嘅運動，不過就有唔少人留一啲意淫言論，全部都係作一啲性聯想，甚至有一啲係講及性交易。唔知係咪因為不堪言語性騷擾，陳嘉倩好快已經刪除咗片段，不過仍然喺討論區被瘋傳。
唔少人都批評佢係刻意拍攝「色誘」片，非常有機心；又有人指佢身形「冇睇頭」，刻意暴露更令人反感，但亦有人撐佢身體自主，點着點post都冇問題。然而陳嘉倩幾年前可以話係唔少男士眼中「做咩都啱」、堪稱完美嘅「女神」，到底係咩事跌落「神壇」，令佢依家畀人彈得咁勁呢？
2021年陳嘉倩上完ViuTV真人騷《學神出沒注意》後，就被唔少人唾棄，指佢係「真面目」現形。節目中陳嘉倩揸車期間多次險象環生，更喺導師Alex落車後唔專心搞到撞欄。公路上陳嘉倩維持時速三十幾，佢當時都無為意，仲問點解啲車係咁回頭望佢，Alex就話因為佢車速太慢，不過佢就好似唔想認，仲話自己揸時速七十，之後Alex就話佢只係試過一下去到七十，而佢更加揸到左搖右擺。陳嘉倩之後挑戰室內停車場泊車，因為唔係一路望住前面揸車，反而喺四圍望同興奮話Alex喺度追星同話佢係瘋狂粉絲，得意忘形嘅下撞欄，之後更怪責節目組安排考驗。後來節目組安排教車師傅補鐘，唔知係咪效果，佢告知師傅專登著短裙，加深佢「姣花」形象。補完鐘後自信滿滿嘅陳嘉倩因車速太慢導致「拉車龍」。Alex叫佢去避車處讓車，佢反指就算呢條龍冇咗，都會有另一條龍出現，令人感覺佢自私。之後陳嘉倩更分心爭啲撞上迎面以來嘅巴士，巴士司機即時響咹，而Alex亦嚇到幫佢扭軚。
節目出街後陳嘉倩被網民鬧爆，指佢態度有問題，唔知錯揾藉口等等，亦有人指今次睇到佢真實個性；呢次亦成為咗佢女神變「公主病」港女嘅轉捩點。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
