台灣花蓮今早發生大規模7.2強震，全台都感受到劇烈搖晃，係台灣自1999年以來最大地震，各地陸續傳出災情。藝人柯震東家在台東，係災情最嚴重地區。
台灣藝人柯震東嘅爸爸柯耀宗於社交平台POST出多張相片，相中見到佢屋企好似有賊入屋一樣，所有嘢都東歪西倒，有啲物品更加係碎晒，柯爸留言：「可惜…. 心疼了我的一些收藏。」之後再留言：「有些收藏再也買不到了。」
同場加映： 全民造星V丨香胤宅愧對粉絲親解未簽約苦衷 用舞蹈說故事流露對太太愛意
唔少人都表示理解佢心疼收藏品：「人平安比較重要，但可惜了這八千多萬（近二千萬港幣）的收藏品。」、「我也差不多，精緻的都摔了。」「好可惜啊！」、「看了都好心疼啊。」但朋友們都慶幸佢人冇事：「錢財乃身外之物，人平安就好。」、「人沒事最重要，可以有空間再買一波了。」
柯震東生於大富之家，爸爸柯耀宗本身係自家服飾品牌whiple嘅老闆，同時擁有幾家餐廳。其旗下餐廳“whiple house”強調以簡單、自然為主題，有阿仔明星光環，加埋佢本身都識唔少名流，吸引不少演藝界人士前來聚會，包括庾澄慶、張小燕等都曾捧場。在《那些年，我們一起追的女孩》劇中，柯耀宗飾演阿仔做嘅男主角柯景騰嘅爸爸。據説柯耀宗之所以接演，是為了減低柯震東初次拍戲壓力，柯耀宗甚至諗過要全裸演出，喺導演九把刀勸説下先打消呢個念頭。
圖片來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
