現年57歲人稱Ricky San嘅板前壽司創辦人鄭威濤2019年曾自爆當時正係同癌魔搏鬥，今日驚傳死訊。
2019年鄭威濤曾接受訪問表示「好攰」，又自爆自己患癌後嘗過多種治療，包括標靶治療、化療、免疫治療等，又曾到日本接受幹細胞治療等，當時仍然係治療中。
同場加映： 中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
鄭威濤為香港板前壽司、板長壽司及味千拉麵的董事總經理，首家板前壽司在尖沙咀加連威老道開張，鄭威濤標榜從日本聘請師父，以人手製作「手握」壽司，海鮮每天從北海道新鮮運港；板前迅即成為長龍壽司店，風頭一時無兩，鄭威濤亦順勢不停擴大其飲食王國。
及後無綫電視劇《和味濃情》改編其成功故事，又贊助兼親身主持兩輯飲食節目《和味無窮》，香港長大嘅鄭威濤連廣東話都帶有日本口音，人前人後都被稱呼為「Ricky san」，人氣急升更被封為新一代「和食專家」。2008年初Ricky在東京築地魚市場一擲四十三萬投得有「日本一」之稱的藍鰭吞拿魚，成為首位投得日本一港人，不但揚威日本，而且登上各報紙頭版，當時非常轟動。
鄭威濤後來遭生意拍檔潘嘉聞索償，指控鄭私下開設板前分店和同類型的板長壽司，欺騙股東利益，又無將所有板前的股權轉到新成立的控股公司。股東麥建成2019年於庭上披露，當時鄭威濤患胰臟癌，故不欲官司再糾纏下去，最終要妻子跟進，遂同意將股份賣出。
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
