2007年港姐冠軍張嘉兒在2015年與金融才俊Nathan結婚，婚後先後誕下兩女Leora及Hannah，一家四口非常幸福。最近張嘉兒就在社交網透露，大女Leora呷醋父母將注意力放在妹妹Hannah身上，更指唔鍾意妹妹。
同場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
張嘉兒Po出兩個囡囡合照，指大女Leora成日講：「好掛住妹妹未出世嘅時候」呢句說話。又指Leora話好想返去爸爸媽媽將所有Attention擺佢身上嘅日子：「佢亦都有時會表達唔鍾意妹妹，又或者對佢特別惡。妹妹四歲返學時間比佢短，都搞到佢好炆憎好嬲，導致對妹妹唔係太善良。呢種行為、呢個對白，係咪似曾相識呢？」
張嘉兒指好想Leora改善對妹妹嘅態度，亦指唔會因為咁而鬧囡囡，「因為鬧根本解決唔到深層嘅問題，所以我決定俾啲獨處嘅時間佢，同佢玩多啲，俾機會大家溝通，同埋明白對方嘅感受。希望做到正面管教成日講嘅嘢：先連結後改正。」
她表示呢個方法未必即時解決到呷醋呢個問題，「但起碼佢再投訴話成日陪晒妹妹，我哋都可以話，唔係啵，哈哈。唔知大家又用咩方法去解決兄弟姊妹之間呷醋嘅情況呢？」
有網民指自己都有面對這個情況，「妹妹得歲幾、兩歲，仍然好需要大人照顧一切嘅時候，大仔都有投訴過。」有網友就留言叫張嘉兒加油：「要解決吃醋問題，耐心與愛心真的會比打罵教育好很多。希望妳的女兒，能明白妳的苦心。知道姐妹情深會比姐妹宮鬥更適合她的生活。」、「再大啲，佢就會明白㗎，呢啲只係小朋友嘅想法」。
圖片：張嘉兒IG
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
