香港經濟低迷，各行各業飽受重創，近日有許多餐飲食肆、零售業接二連三宣告結業，包括大昌食品市場、別府九州拉麵、哥登堡餐廳等，就連時鐘酒店都不為例外，曾為《志明與春嬌》取景地的九龍塘時鐘酒店「漫春天」日前貼出了停業告示。早前Facebook群組「全港店舖執笠結業消息關注組」上，就有港人以「一人一間最唔想執笠嘅店舖」為題發起討論，相關帖文引來大批網民留言，以下為大家整理3間最多人不捨得結業店舖，即入內文睇睇啦！
點擊圖片放大
1. 麥當勞McDonald's
提及網民最不捨得結業的店舖，不少人第一時間想起全球最大的連鎖快餐企業-麥當勞，紛紛留言表示「小孩最唔想麥當勞（結業）」、「（最唔想）緊係麥記啦」，隨後更在留言中列出麥當勞多個優點，不但食品保持一貫水準，且用餐環境舒適，「任坐唔嬲嘆冷氣」、「仲可以自己帶嘢入去打邊爐」，還會免費提供WiFi、食用水、廁所、充電設施等等。
2. AEON
今次討論中，呼聲最高的還有全港大型日式連鎖超市AEON，樓主在帖文中率先提出最不希望AEON結業，另外也有網友透露所住地方附近的AEON分店現已結業，擔憂這種情況持續下去，會使香港AEON面臨全面倒閉的危機，「老實我真係唔想AEON執」、「千祈唔好執」、「唔好呀，無AEON搞唔掂呀」。不過亦有網友分析，指出AEON集團旗下有不少業務，財力以及經營方式有一定的基礎，短期內結業機會並不大。
3. 759阿信屋
自2010成立以來，759阿信屋不斷擴張，在全港擁有過百間分店，分店已擴展至「總有一間在你左近」。不過，去年底其母公司CEC國際曾發盈警，顯示10月底止上半財政年度的純利僅約10萬至50萬元，業績按年倒退超過9成，令不少有網友擔憂759阿信屋會因而結業，紛紛感嘆道「希望多D人去759買嘢」、「寄望759死唔去」、「業主租金調低一點，讓759可以生存下去！」
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
