離奇有速遞員送狗上門，屋主如何是好？將軍澳一位街坊指前日（6日）突然有一名速遞員將一頭貴婦狗上門，由於不清楚寄件人身份，狗隻來歷不明，故拒絕接收，未料對方將狗放在走廊便轉身離開。事主一度上網發文求助，隨後終找出事件起因，並指狗隻已交由朋友暫時照顧。
同場加映：
管家王｜輕奢風裝修一定貴？拆解用料/配色/燈光3大元素 2招降成本平靚正
事主居於將軍澳，昨日（7日）在社交平台facebook群組發文，指前日（6日）一間大型速遞公司的速遞員「將隻狗放係我門口，話有人速遞俾我，我拒收，但佢放低隻狗影相俾我就走咗。」
點擊圖片放大
事主感到不明所以，只好致電客服中心了解，客服指會通知寄件人與她聯繫，但事主一直未收到對方聯絡。她大感徬徨，只好在群組發文詢問意見：「我可以點做」。
同時，事主質疑速遞員做法，為何可以在無人簽收情況下，將犬隻放在走廊無人看管便離開，「隻狗仔有事點算？點解要咁做？狗有生命，唔係外賣嚟」。
網民：新式棄養手法？
事件引起網民關注，有人批評速遞員的處理方法有問題，「生物當死物送」、「咁都得」、「新式棄養手法？」、「咁都得？啲人可以亂嚟亂送嘢？」。有人估計寄件者與事主認識，「狗狗無辜，請先安頓左佢先，之後再搵番你個寄件人，我估你哋應該識吧。
真相大白 疑親戚家庭糾紛「將狗送走」
事主隨後表示，已將狗隻交由朋友暫時照顧，她向各方查詢了解後，相信狗隻屬於親戚，由於家庭糾紛，有人將狗隻送走，並在未經他們同意下將狗隻速遞上門。
速遞公司原禁運送動物
根據涉事速遞公司網頁「貨物限制」，列明速遞不包括運送動物服務，落單後一經發現，訂單會被取消，運費會退回用戶的電子錢包。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
