黃智賢在無綫劇《逆天奇案2》飾演幹探Nic Sir，56歲的他一身西裝打扮筆挺有型，跟劇中女友蔣祖曼更上演床戲。近日，黃智賢忽然半裸爆肌影相，展示健身成果，完全不輸小鮮肉，更令年輕27載的江嘉敏high爆留言，表示要…
同場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
平時衣著密實的黃智賢，近日忽然在社交網「派福利」，上載健身自拍，半裸上陣的他胸肌結實，六塊腹肌線條亦出晒嚟，身形fit爆！他寫道：「練的是身體；磨的是鬥志！為新角色裝備自己！郭大俠，加油！#武林」
原來黃智賢在新劇《武林》任男主角，角色是武林高手，不但跟女主角高海寧有感情線，女方更大爆他將有一場街頭裸跑戲，黃智賢當時說：「希望到時有朱古力啦！」因此他瘋狂健身，又學習打拳，務求以最佳身材拍攝，結果真的練成朱古力身材。
黃智賢的毅力獲不少圈中好友讚賞，他在《武林》的拍檔江嘉敏即留言：「哇哇哇！爸爸你應承咗比（畀）我👀👀👀🤚🏻🤚🏻🤚🏻（睇睇睇摸摸摸）。」黃智賢搞笑回應：「我要考慮下。」袁偉豪大讚他「嘩Ben哥哥有料到」，林子善、陳煒、方力申、陳自瑤、龔嘉欣及趙璧渝等亦留言讚賞。有網民搞笑表示小時候看黃智賢主持的《閃電傳真機》及演出的《真情》長大：「我細個認識你係咁樣，到依家我胖成球你都仲係咁樣，點解你唔識老？」
圖片來源：IG、大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】 Midea美的25公升氣炸焗爐！↓
↓ 結合「氣炸」同「烘焙」︱0.2秒即熱︱7種烹調模式↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
