陳奕迅南京個唱被舉中指背面反擊 食花生網民各打50大板:條路自己揀

文: 余美鳳
2024.04.08

陳奕迅(Eason)巡迴演唱會南京站日前完成頭三場演出,目前還有三場尚未完成,不過就爆出「糾紛」。有Eason今次演唱會歌單有一半係較冷門歌曲,因而引起現場觀眾不滿做粗口手勢,Eason亦即時作出「反擊」,事件登上微博熱搜。

Eason日前喺南京舉行巡迴演唱會,當Eason唱《我們萬歲》時,特別為照顧南京觀眾的感受,刪去歌詞中「我們萬歲」的日文字幕,當時有觀眾向Eason舉中指,之後又有人高呼要求佢唱《富士山下》,有片段見到Eason一臉不悅,不時搖頭,之後Eason喺演唱《任我行》全程背對觀眾疑似「反擊」。

同場加映:中年好聲音2丨古淖文認半紅不黑浮沉15年欠運 學習謙卑求進:當年贏冠軍一定囂

Eason並在唱《任我行》時背住觀眾似乎要整理好自己情緒,片段中見他多次想轉身,不過最後都係冇為觀眾「轉身」。而當陳奕迅獻唱另一首歌曲時,當他準備唱出最後一句歌詞之際,現場突然又有男觀眾大聲高歌,令其他觀眾大感憤怒,認為破壞了整首歌的氣氛。

 

事件被網民熱烈討論,有人認為內地觀眾冇品:「太不尊重了吧」、「不喜歡還去演唱會?」、「不想看就別看。」又有人留下可圈可點留言:「條路自己揀。」講緊內地觀眾明知Eason有性格都要撲飛入去,又同時諷刺Eason知道「國情」如此都係要去內地掘金,各打50大板!

Eason早前已試過在澳門站因被觀眾無禮要求講普通話,當時Eason立即黑面回「聽不明就算啦」,i之後佢再用普通話呼籲觀眾應該用比較禮貌嘅方式表達。Eason事後承認自己處理方法不夠恰當,認為無需太介懷,只需用心演繹就夠,Eason今次再遇無禮觀眾,就選擇沉默是金。而Eason尋日都意有所指發文,似乎係話自己要「冷靜」下:「南京站太hot喇!我要擺自己入個雪櫃度幾日先得嘞喂~~嘻嘻」

圖片來源:微博

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送飛🎟️】請您去《UNISON FEST潛台祭》🎧!

↓ 暑假最強音樂祭!睇KOLOR、Kiri T、雷同二友...↓

↓  暑假最強音樂祭!睇KOLOR、Kiri T、雷同二友...↓