蘇韻姿正式離巢TVB遭官網下架除名!被叮出《愛回家》後終永不回家

文: 羅志宏
2024.04.12

無綫女藝人蘇韻姿自2023年初被叮出《愛.回家之開心速遞》劇組後,接近一年多時間了無歸期,幸好仍先後接拍兩部新劇及參與不少綜藝節目,才不致全面消失。不過,近日就有指蘇韻姿已經正式約滿離巢TVB,令《愛.回家之開心速遞》「熊家」首次有主角成員「不再回家」。

蘇韻姿昨日(11日)出席TVB新劇《黑色月光》的煞科宴,並向傳媒回應了有關離巢的種種是非。蘇韻姿被問及是否「被解約」或是約滿離開時,就僅回答早前與公司溝通過後,公司解她有新的事情想做,因此雙方都認為這樣的情況(離巢)比較適合,暗示與公司達成了共識,但就未有具體回應是否被提前解約。

同場加映:【衝出嚟玩】最新影片


蘇韻姿於4月9日在IG社交平台上撰寫長文,正式宣布效力TVB八年後離巢的消息,她貼出了填寫香港小姐參選表格所用的個人照片,並逐一多謝高層和監製。全文如下:

依家係時候要跳出自己嘅舒適圈,接受新嘅挑戰啦。

不經不覺嚟咗香港八年,我已經成長咗好多,學到好多嘢。喺呢一度遇到好多錫我嘅人,實在係好幸運。

首先要多謝珍姐,喺我一個人嚟到香港嘅時候,俾機會我演熊心如,令到我喺香港都可以有一個家。亦都令到多左人認識我、有不同嘅工作,學到好多中文。多謝您咁多年嘅教導栽培。我會好好緊記你教我嘅一切。

多謝樂小姐,由選美到入行,一路都好照顧住我,教我點樣做好一個藝人。仲有Management嘅同事,多謝你哋一直嘅照顧及幫忙,我會加倍努力!

多謝志偉哥! 你嘅指導,加上鼓勵,令到我發現自己可以有好多可能性。我會keep 住你俾我嘅正能量。

多謝監製祥哥!喺拍攝愛回家呢幾年嘅鼓勵、你對拍戲嘅熱情、創作力,有直啟發我,真係好榮幸能夠同你合作!

多謝監製佳導,俾個好好嘅機會我參與黑色月光,令到我見識多咗,學咗好多嘢,非常期待套劇播出!

仲有好多謝俾機會我嘅綜藝監製們,我知道自己嘅經驗少,所以感激你哋信任,俾我去嘗試不同嘅工作!

多謝熊家人,冇家人喺香港嘅我,感恩有你哋就有家嘅感覺。

最後要多謝關心同錫我嘅台前幕後朋友仔!等緊埋位,或者收工嘅時候都會同大家一齊傾偈。我會記住一齊渡過過嘅美好時光!

相信喺未來大家一定能夠再遇到,亦都想藉呢個機會衷心祝福所有朋友,能夠在自己嘅舞台上發光發亮。

#呢張相係我填香港小姐application用
#就係呢張相開始
#八年

現年30歲的蘇韻姿,於2016年參加香港小姐最後僅得「梗頸四」後, 獲羅致 TVB旗下成為藝人,更被派往處境劇《愛.回家之開心速遞》劇組,憑著「熊心如」一角成功入屋累積觀眾緣。

不過於2023年初,蘇韻姿被指在拍劇開工的時候屢次遲到兼態度惡劣,更傳出因而觸怒高層曾勵珍(珍姐),被下令暫時「離家」,至今一直再無「回家」消息。而TVB的官網藝人資料,更見到本來是經理人合約的蘇韻姿疑被除名,相關資料疑似遭到下架,而IG誼得經理人聯絡資料亦已刪走,似乎已經約滿離巢。

有傳媒就離巢傳聞而向蘇韻姿證實消息,蘇韻姿未有正面回應離巢一事,支吾其詞地表示稍後再談、再公布,相信「離巢」之說絕對言之鑿鑿。

同場加映:【香港周圍遊】最新影片


其實,去年底一度盛傳蘇韻姿與無綫高層曾勵珍(珍姐)鬧翻,導致被下令永不回家等炒魷的消息。蘇韻姿當時現身舞台劇《我們的青春日誌》宣傳活動,就親自回應種種傳聞,更以10字心酸發言揭開個中真相。

蘇韻姿被問到她一直未有「回家」歸期,加上外界盛傳她與高層珍姐鬧翻,她就表示與公司一直保持良好關係,對如此誇張傳聞感到不明所以,更答道10字「我只可以話公司好錫我」,又謂「畀好多機會我,所以我都好感恩大家咁錫我」,對於這些傳聞都是得啖笑,娛樂大家。

對於有指她目前在等完約被炒,蘇韻姿當時就回應指與公司的合約尚有一段時間,並強調已獲安排其他新工作,自己亦渴望「回家」,直言「屋企點都係屋企嚟,點都要返屋企嘅」,發言相當心酸。

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【🎁送禮】Gourami夏日時尚游泳套裝🏊!↓

↓具備時尚感及功能性,適合四季穿搭! ↓

 ↓具備時尚感及功能性,適合四季穿搭!  ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓