趙璧渝在《逆天奇案2》飾演女警「妹頭」，雖然劇中男友Rocky未有現身，但昨晚（10日）劇情交代妹頭背景來自收養家庭，所以對案中受害人感受特別深，更一度在「大佬」森Sir（陳展鵬飾）面前落淚。在劇中衣著密實的她，最近拍攝豐胸廣告大騷好身材，她在海灘穿上Deep V婚紗，及後再換上開窿泳衣半躺擺甫士，盡顯誘人事業線！
同場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
趙璧渝2013年入行後，曾因工作不隱定，銀行戶口存款一度跌至不足3位數，但她堅持演藝夢，同時在疫情期間考獲瑜伽老師牌照，用興趣幫補收入。踏入2024年，趙璧渝步入收成期，接拍豐胸廣告搵真銀！
廣告在海邊取景，身穿deep V薄婚紗的趙璧渝坐在海灘邊俯身輕托香腮，一傾前，豐滿身材極震撼。提到美胸心得，她表示平日會做瑜伽運動外，每星期找專業顧問幫助、勤做療程：「拍廣告前一日我做完，即時令胸部升cup，效果明顯。」至於平日飲食，趙璧渝從小喜歡食新鮮山藥或者煲湯的淮山，原來淮山的植物性荷爾蒙對身材十分重要！
拍攝當日，天氣雖不至於發出寒冷警告，但因陰天加上大風，令趙璧渝不停流鼻水：「工作人員有準備暖包、大毛巾，但我真係冇辦法貼暖包，因為啲衫實在冇空間，泳衣又有好多個窿，跟住婚紗本身好窄，當日自己帶咗一件長羽絨，同埋一個暖壺。」為了保持最佳狀態，她拍攝前一日只進食流質食物、藍莓及烚蛋，到拍攝當日，她由朝到晚早只飲齋啡去水腫，肚餓才吃幾粒藍莓充肌，十分專業。
提到《逆天奇案2》熱播，飾演妹頭的趙璧渝感覺入行11年，終於有一個里程碑。她說：「由《逆1》到《逆2》，感激有展鵬大佬嘅帶領，令我哋A Team嘅默契、眼神、信任度、演繹節奏等等都越來越自然合拍，大家互相提點，妹頭呢個角色就成為咗我生命中好重要嘅里程碑，因為角色令我得到好多，好感恩可以同你哋呢個團隊一齊成長進步，好多謝觀眾支持。」
圖片來源：大會提供、IG、電視截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
