螺螄粉出名「臭氣沖天」，部分人聞到就忍不住要退避三舍，今年4月曾有市民在網上投訴，怒斥葵涌廣場開設螺螄粉店，「X到令人想作嘔嘅螺屍粉」、「係咪黐X線㗎」，惹來不少網民共鳴。最近再有一間食店負責人表示，螺螄粉氣味「趕客」並嚴重影響同場店舖商戶生意，直言暑假旺季期間，小店附近幾乎變「死場」！
葵廣店主怒訴商場開螺螄粉 苦呻附近商戶慘變「死場」
鹹魚青菜各有所好，不過對於螺螄粉的氣味，就未必人人能夠接受。最近葵涌廣場就有食店商戶透過社交平台投訴，怒指受到同場的「螺螄粉」影響，縱然正值人流旺盛的暑假，但因怪味「趕客」，令附近同場店舖的人流及生意慘淡，其中提到上周日（11日）葵廣3樓「Top世界」巷內幾乎無人閒逛的情況，「如果我話根據最近一年幾嘅數據，每個星期7日生意額最差嘅日子就係星期日的話，唔知有幾多人會相信」。
該炸雞店表示：「忍咗2年都嚟，自從間臭X螺絲粉入咗黎之後就嬲X到依家。唔係無諗過搬，甚至2樓當時啱啱翻新完好多吉舖我都有睇過，但係因為啲好根本原因最後我選擇留翻原位」，認為業主及商場沒有提供任何幫助，「再係咁落去未到9月螺絲粉收皮搬走果下，依條巷d舖頭都自己係咁先啦」。
市民曾作投訴：室內唔通風臭到想嘔
早於今年4月份，有網民就曾經透過社交平台發帖投訴，有「掃街勝地」之稱的葵涌廣場內竟開設螺螄粉餐廳，難忍以粗口宣洩憤怒：「X！竟然喺葵廣呢啲室內地方開間咁X臭，X到令人想作嘔嘅螺屍粉！」
樓主表示，商場內開設螺螄粉，令市民在附近店舖買食物「都聞到嗰浸臭坑渠味」，直言「係咪黐X線㗎」，言詞間可見樓主相當激動，且難以接受。不過從相中所見，該店當時仍有數名食客幫襯，似乎頗受部分市民歡迎。
▼原帖▼
網民留言：賣衫鋪多得佢唔少
帖文隨即引來大批網民討論，其中不少網民表示認同，更指螺螄粉氣味濃烈，加上抽風系統一般，連帶影響附近及同層其他店舖，尤其是賣衫店。
另外有不少網民都留言指「真係好臭」、「最慘係勁快行過，陣味都會跟住你」。翻查資料，該螺螄粉店位於葵廣3樓，並已開業一段時間，有人就覺得「其實佢同榴連甜品店一樣，鍾意嘅人就話正囉，唔鍾意就想死」、「個人喜好，臭定香由個人來決定」。大家又覺得如何呢？
▼網民咁講▼
▼螺螄粉起源歷史▼
資料及圖片來源：Facebook@青衣街坊吹水會、HKET圖片庫、Threads@chokchickhk
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
