張致恒大仔生日前家傭暖心到賀 首曬全家福:唔好似我一事無成

文: 余美鳳
2024.04.11

現年39歲嘅張致恒(Steven)與老婆區燕雯(雯雯)2019年奉子成婚,二人四年抱四,轉眼間大仔張天寶已經5歲。二人婚後一直處於財困,不過Steven似乎準備長進,開始返工,趁囝囝生日更感慨表示希望佢唔好好似自己咁「一事無成」。

同場加映: 中年好聲音2丨古淖文認半紅不黑浮沉15年欠運 學習謙卑求進:當年贏冠軍一定囂

Steven post出多張為天寶慶生嘅相,更第一次分享齊晒4個仔嘅全家福,感性留言:「張天寶五歲生日快樂,轉眼間就已經五歲了,日子過得好快,想當日仲趴喺我心口度瞓覺我喺度打機,而家百厭調皮直情係一隻馬騮,我冇咩嘢寄望,只係寄望你快高長大~健康成長~努力做人,讀唔到書唔緊要最緊要做一個開心嘅人,做個善良嘅人,千祈唔好好似daddy咁失敗,所有嘢都一事無成!超級愛你的daddy上!」其中一張相見Steven同天寶玩騎膊馬,冇戴帽嘅Steven髮線高咗唔少,睇落好攰。

 

雯雯亦喺佢YouTube頻道上載囝囝天寶5歲生日慶祝短片,見到一家人齊齊在家中為天寶慶生,天寶切咗3次蛋糕,其中一個更係寫上「PO PO Happy Birthday」,相信係前工人姐姐出人又出錢同天寶慶祝生日,真係好念舊好有心,好姐姐難求。之後又一家人到室內遊樂場,都見到新到外傭姐姐身影,又再次切餅,雖然蛋糕都係簡單款式,但相信小朋友都已經非常開心。

唔少網民都為佢一家送上正能量:「加油唔好俾人睇死。」又有網民留言:「讀唔成書唔緊要,最緊要開心呢句話只適合喺屋企沓(疊)水嘅人身上😢。」佛系Steven都有回應:「窮都可以好快樂嘅。」

圖片來源:Youtube截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓

↓ 雞胸經低溫慢煮烹調!/ 提供研製多時的獨特口味!↓

【搶先送❗】Rollink可摺疊行李箱🧳!

↓ 全球最薄!免費成為全港首批用家 ↓

↓ 全球最薄!免費成為全港首批用家 ↓