長期受樓上噪音滋擾，交涉無果只好自救。一名男網民指為減低樓上的噪音影響，只好自行花約500元從「淘寶」網購「隔音毯」，並且DIY自行貼在牆身，形容「控制唔到別人，唯有自己保護自己」，認為只要減到3成噪音便算成功。
同場加映：
管家王｜輕奢風裝修一定貴？拆解用料/配色/燈光3大元素 2招降成本平靚正
該男網民日前在Facebook群組「樓上噪音苦主大聯盟(香港)」發帖，表示長期受樓上鄰居噪音影響，他多次反映仍毫無改善，只好自費500多元、從網購平台「淘寶」購買「隔音毯」。
自行安裝隔音毯
他指該隔音毯厚度3毫米，由鐵粉和膠合成，質量不錯，價錢不算貴，但需要自行用膠貼安裝，「每天貼一啲」，估計需花數周時間，他指如效果理想再跟網民報告。儘管不容易安裝，但他稱如能改善噪音問題，一切都是值得，「大家都要正面啲，從工程角度解決問題。XX聽得懂人話就唔係畜牲，所以從自己做到的方案著手，要自己救自己，減到3成噪音算成功。控制唔到別人，唯有自己保護自己。如果隔到音，值得，好似補漏水位咁，邊漏邊補，冇話唔得嘅，事在人為」。
事主表示參考網上教學影片安裝隔音毯，又研究過不同隔音方法，認為加吸音棉效果更好。不過他指門窗都可能會「漏聲」，故只要能隔絕5成噪音已很滿意，「硬物落地減3成都當成功了，起碼瞓覺唔會被嚇醒」。
從商品頁面可見，該款隔音毯售價79元人民幣（約85港元）起，有不同尺寸和厚度選擇，具牆面、天花、地面隔音效果，標榜安裝後噪音可降低24至33分貝，適用於室內、睡房、辦公室甚至K房，聲稱可防火、防霉、防潮、防震、防水。
網民：之前整過冇用
不過部分網民質疑隔音毯的隔音效果，亦有人分享曾經安裝的經驗，「咁薄我估作用不大」、「好想知道計埋人工同埋料」、「樓底起碼冇咗半呎」、「冇用㗎，我就成幅牆整咗，內外整咗3層都搞唔掂重低音同人聲」、「如果重低音一定搞唔掂，硬物落地最多有減輕，牆身有做，大約知效果」、「冇用㗎，之前都整過，再加多個8吋高閣仔，裡面揳埋厚發泡膠，都隔唔到樓上啲聲」、「冇乜用，除非整到好似band房咁上下左右包晒隔音棉」。
詹sir教安裝假天花有助隔音
資深驗樓師詹濟南（詹sir）接受訪問時曾表示，業主如欲減低樓上噪音影響，可安裝假天花、石膏板天花，以達隔音之效。假如感覺樓上水聲特別「應聲」又未能找出成因，也可嘗試在天花板包一層隔音棉或密封板材，「一般沖廁水不會超過60分貝，密封的板材可減最少20分貝」。
受噪音影響如何投訴？
環保署建議如受到噪音滋擾，應向大廈管理處求助，他們可與所涉人士洽談，務求直接解決問題；如問題未能解決則可報警，以便即時採取執法行動。至於環保署在收到相關噪音投訴後，會向投訴人了解情況及解釋《噪音管制條例》的管制安排，並會適當轉介警方跟進執法。
如何減少噪音？
- 在枱腳及凳腳貼上軟墊，減低拖動時的聲音；避免在晚上或深夜時拖動家具
- 當在家中做運動或小孩在家玩耍時，在地面鋪上瑜伽墊或地毯
- 如於戶外玩耍，應避免對別人構成噪音滋擾，尤其應避免大呼小叫，及進行嘈吵的遊戲
- 妥善保養家居設備（如冷氣機等），以免對鄰舍構成滋擾
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
