逆天奇案2|郭柏妍搣甩純純兔形象化身恐怖情人 擸刀威脅鄭俊弘殉情勁嚇人

文: 羅志宏
2024.04.11

《逆天奇案2》昨晚(10日)播出的一集,「廢屋枯骨案」終於告一段落,此單元劇情反轉再反轉,原來是橫跨30年的愛情悲劇,不少觀眾看得大呼過癮!首度挑戰演植物人的鄭俊弘幾乎眼都冇得眨,而郭柏妍就搣甩純純兔的形象,化身恐怖情人擸刀威脅,畫面勁嚇人!

最新劇情講到,首先O記探員在荒廢村屋發現一副30年的女性骸骨及染了精液的小背心,經過調查後發現死者是王珊珊(郭柏妍Rosita飾),事件牽涉當年因交通意外變成植物人的豪門四少馬家強(鄭俊弘Fred飾)。經過DNA檢測,證實王珊珊小背心的精液是家強留下,家強因而蒙上姦殺珊珊之嫌;後經O記深入調查,發現王珊珊原來是有婦之夫家強的秘密情人,案件由姦殺案轉為情殺案!

不過,實情唔止咁簡單,O記請來冠峰(方力申飾)利用「腦波儀」讓家強「說出」三十年前真相。原來珊珊當年對家強愛得不能自拔,並相約他在村屋殉情,惟家強貪生怕死不欲共赴黃泉,珊珊即持刀自插心口自殺以圖永遠留在家強心中:「你唔肯跟我一齊走,我要留喺你心入面,我要你記我一世!」家強跑出屋外求助期間意外被汽車撞到變成植物人,珊珊的屍體亦因此沒被人發現!案件最終驚揭是一宗橫跨30年的愛情悲劇,實在令人意想不到。

Fred受訪時透露今次是首度扮演植物人,事前還做了不少功課做準備:「有上網做Research研究角色係因咩事而變植物人,因為有啲植物人係可以郁到對眼,但我個Case係對眼郁唔到嘅,眼又眨唔到、又表達唔到自己嘅情緒,劇情係講小方訪問我時,我係有好多哀愁情緒,但係表達唔到出嚟,呢一點係最難。」

Fred又笑言拍攝過程其實蠻舒服:「拍攝時又唔使全日都瞓喺度,一Cut機就可以郁,唔辛苦之餘仲幾舒服,又有冷氣歎同有床瞓!」談到劇中化老妝,Fred說:「個妝兩個鐘內完成,都覺得幾得意,原來我老咗係咁嘅樣。」Fred又大讚劇中「情人」Rosita是一個用心和勤力的新進演員。

Rosita的演出同樣搶眼,是次她搣甩純純兔形象化身恐怖情人,拿着生果刀威脅Fred殉情的樣子甚是嚇人,與平時斯斯文文的她判若兩人。Rosita受訪時指今次角色很有挑戰性:「第一次演呢類型嘅角色,雖然出現集數唔係好多,但呢個角色有一個好圓滿嘅成長過程,覺得好好玩、好有挑戰性,多謝導演同製作組畀咗好多空間我去做得更加好。」

講到劇中殉情戲,Rosita坦言心情難受:「呢場戲內心好壓抑,拍完之後都覺得好唔開心,希望觀眾都能夠感受到我嘅嗰種無力感!」

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓