黃碧蓮越南玩椰子船走光蝕大抵 網民叫小心水底有呢樣嘢……
通關之後唔少人都四圍去旅行歎世界，近日華裔小姐黃碧蓮（Linna）就去到越南旅行，Linna連日都同大家分享唔少靚相，而佢日前更加分享自己意外走光片段，狼狽得嚟又非常可愛！
同場加映： 中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
Linna post出自己玩椰子船嘅片段，片中船伕非常出力，令到椰子船極度顛簸，搖晃幅度大到Linna好幾次好似爭啲拋落河！不過重點都係片中嘅Linna着住一條花短裙，狼狽嘅佢頻頻「失守」，裙底春光被盡見，雖然有打格仔，但喺現場都「蝕底」晒，佢留言：「I bring honour and pride to my family 🙃Free tip: don’t wear a short dress on a coconut boat ride（我為我的家人帶來榮譽和自豪🙃 免費提示：搭乘椰子船時請勿穿短裙。）
不過可愛嘅Linna都係keep住笑，但就搞笑致歉話自己意外「閃盲」現場遊客同小朋友，仲話自己冇估到會咁高速，如果唔捉住真係會成個飛走！又有網民講出咗一個「提示」，話水底可能有鱷魚，不過Linna就似乎冇有怕，話自己好鍾意鱷魚，因為佢係最接近鱷魚嘅物種。
黃碧蓮參選《2012年溫哥華華裔小姐競選》時奪得「最上鏡小姐」，之後2014年加入TVB時加入了兒童節目《Think Big 天地》，這位「Linna 姐姐」也十分受小朋友喜愛。同時，黃碧蓮也曾擔任《港生活·港享受》、《今期流行》的主持。
圖片來源：Instagram
港生活人氣本地熱話
U Lifestyle App全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
