李蘊與隊友直播慶祝Cream廿周年 兩隊友移民保養得宜仍熱愛音樂
32歲的李蘊自從結婚育有一子一女後，專心照顧家庭，甚少作幕前的演出，近年她主力在直播APP唱歌，成為她湊小朋友之外的娛樂。昨晚李蘊適逢組合Cream的20周年日子，特別約昔日兩位隊友開直播慶祝，由於盧嘉寶（Carpo）和陳曉彤（Hilda）分別移民加拿大和愛爾蘭，所以只能隔空在直播相遇，不過三女談起以往的日子都充滿回憶。
同場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
李蘊昨晚聯同Carpo和Hilda一齊開IG直播，Carpo同Hilda都已經長大成人，幾乎認不出來，三女一齊講：「大家好，我哋係Cream！」之後都大感尷尬，她們坦言20年來大家一齊成長，還記得第一次演出是2003年12月31日時代廣告的蘋果倒數活動，隨後就順利出道。提到難忘事，Hilda說：「之前幫許冠傑做咁多場演唱會嘉賓，幾乎每日放學就去紅館，真係好難忘。」至於Carpo就記起出席紀念梅艷芳的演唱會，穿上靚靚造型合唱《夢伴》，當時三位經常搵劉德華、肥姐沈殿霞、S.H.E及Twins等合照，相當興奮，李蘊笑言：「有次去內地一個頒獎禮，我哋玩捉迷藏，一下子拍埋廁所門夾爆咗我隻手指，之後仲要上台打鼓！」她們表示當年收到很好粉絲的小禮物及信件，每封信都會看，至於解散的原因，她們表示好複雜亦好多原因，主要是發展方向不同，況且專輯和演唱會都試過，是時候轉換方向，李蘊說：「如果唔解散，佢哋讀書就冇咁叻啦，專注讀書先咁有成就！（係咪母女檔出道？）我哋呢啲咁細個就出道，就覺得讀書真係好緊要，我繼續留喺娛樂圈，但你睇佢兩個去讀書之後成就幾高？所以讀書好重要！」
李蘊IG近照：
提到近況，31歲的Carpo現居加拿大，她說：「生活幾穩定，得閒去睇下大自然，仲有繼續創作歌曲，呢個係我永遠興趣走唔甩，所以得閒做下音樂，娛己為主。」至於30歲的Hilda現時在愛爾蘭生活，婚後育有一仔一女，她說：「我啱啱生完細仔四個月，而家都係主要做音樂學校啲嘢，唔係咩咁大件事，唔係大家諗到咁叻！」Hilda在Cream解散後在愛爾蘭讀音樂，並在科克音樂學院完成了一等榮譽學位，非常厲害。不少網友都追問Carpo的感情狀況，Carpo說：「著落咗好耐呀喇！」由於三人分別在地球不同地方生活，她們都慨嘆要聚一聚的機會都不容易。
Karpo及Hilda IG近照：
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
