無綫J2台《不正常愛情研究所》男主持之一的文頌男（Koba），去年透露自己患癌，於椎間近盤骨位置驗出有惡性尤文氏肉瘤，直至現時仍然停工接受治療。他曾經為龐大醫藥費在網上眾籌，幸好有好消息，獲演藝人協會支援。在在孤獨的抗癌路上，有不少人支持，但他近日看到討論區內，有網民對於他之前的事作出批評感到無奈，並作出解釋。
同場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
文頌男去年自揭患病一事後，一直開朗面對，不時在社交平台透露自己的情況，他曾透露得到這個病令他辛苦，站立或坐太久都會感到痛楚，有時去醫院接受治療，也要在的士車廂內跪著。有很多網民都同情他，經常留言鼓勵。可惜文頌男經過5次化療，腫瘤反而變大，醫生尋求另一方法醫治。他即將接受電療，嘗試切除所有癌細胞；亦會中西合壁服用中藥，希望能藉此舒緩痛症，他已經服用4次中藥。
今日，文頌男更新IG，透露自己首次做電療，過程十分痛苦，難以忍受痛楚，不斷在治療期間呻吟，「成個過程我諗做咗四個字至半個鐘，我諗我去到一半左右已經痛到頂唔順，開始喺度呻吟，我差啲想大聲叫救命，但係我又唔想停，怕延長咗個痛苦，所以我靠意志力，不停同自己講要堅持要堅持要堅持、其實唔痛唔痛唔痛，真係超難受超痛苦，但係成個過程我都堅持，真係少少郁都冇郁過。去到做完個刻，治療師同護士入返嚟叫我抬起腳，可以起返身喇，嗰陣我隻腳係差唔多完全用唔到力，成個人痛到震曬，震得超犀利，過咗兩、三個字先好啲。其實人哋做電療多數係好輕鬆，因為進行療程嘅時候基本上係無感覺，但我就因為個骶骨冇咗大部分、骨折同壓住咗啲神經，所以平躺喺到先咁痛。真係成日都無辦法唔諗，點解要咁辛苦呢，點解係我呢，點解係我要承受咁多痛苦呢。不過，我相信捱過咗就係晴天，雖然呢一刻好痛苦，但係只要我頂多一陣…或者多一陣…或者再多一陣…總會見到曙光。」
日前，文頌男在IG以「你問我答」形式，與網民互動，有網民問他是否得到古天樂的協助，文頌男回覆對方表示，朋友幫忙聯絡演藝人協會，協會回答表示會盡量作出支援和幫助，但現時仍未知道實際情況，之後需要跟大家詳細了解。
同時亦有傳媒跟文頌男訪問，哭訴他面對家人時會感愧疚，因為自己未能照顧60多歲的母親，反而要對方照顧自己，感激她的愛護，所以經常主動跟母親說我愛你。他亦擔心一班朋友和密友，原來密友一直甚為依賴文頌男，擔心自己若不幸離開，沒有人照顧，怕自己未能夠好好支持朋友們，現時他仍然很期待跟朋友們一起工作。
可是，文頌男在討論區發現有網民評論自己以往的事，網民指出，「條友一開始畀Agency公司簽咗，成日拍啲IG嘅醫美療程廣告，又直播帶貨，初時對佢嘅感覺就係好X假，好厚妝、同成日呃人，後來畀TVB睇中，set咗人設做『中泰混血兒』，再簽佢做J2先冇咁煩，之後就唔評論太多，始終佢生緊Cancer，唔積太多口孽。」
文頌男看到留言截圖，並在自己的IG內回覆，他逐一回覆否認，他否認有簽Agency，工作上一直靠自己努力耕耘，並謂：「的確我一開始唔係幾識化妝、又爛臉，所以化到好厚妝，但我從來都冇呃人，我唔知我可以呃啲咩，透過呃人可以得到咩好處。亦都冇喺TVB設立咩『中泰混血兒』嘅人設。喺節目到，除咗一集講關於泰國嘅主題，我有提及自己喺港泰混血之外，都冇特別講過自己係混血。我一向都係默默咁努力做自己嘅事，希望有一日可以達成自己嘅夢想、生活可以安穩啲，就係咁簡單。」
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
