港男茶餐廳食下午茶懷疑出錯單！無故計多$1？網民：四捨五入煎蛋要20%服務費

日前，有網民在連登討論區以「呢d 飲食生態係咪香港獨有」為題發文，分享自己在茶餐廳用餐被收加一服務費的經歷。樓主睇單時發現帳單有誤，牛腩麵（$41）加煎蛋（$5）總數收$47，便向店員查詢。

點擊圖片放大

根據帖文內容，他在金鳳大餐廳食下午茶，結帳時發現收餐牌收費多$1，於是與收銀了解情況。原來該茶餐廳設有加一服務費，「佢答我，下午茶唔洗加一，但我加果隻蛋要加一」，所以只有額外加配的煎蛋（$5）要計算加一服務費，即多收$0.5。

餐廳可能採上捨入法（Round up）或四捨五入計算，所以按零差額再加收$0.5，即取齊頭收多$1。樓主表示「利申先，果一蚊真係唔算啲咩，只係真係好好奇呢個生態點解可以咁崎形。」

點擊圖片放大

有網民直言「好谷氣」，無故被加收錢，亦有人替樓主不忿，煎蛋加一後等同被收20%服務費、「第一次見找零差距收費」、「其實點解要收足一蚊, 果五毫子有咩grounds收多」、「收費項目越黎越新奇」、「下次係咪個飯唔加一，另加飲品加一」。

+13

+12

點擊圖片放大

從樓主分享的圖片可見有2張不同的單據，有網民質疑，為何第一張單只顯示總數，第二張單則有詳細列明服務費及找零差額，批評「只睇客張單根本唔啱數，點會咁都得。」

點擊圖片放大

有網民問樓主餐牌有沒有列明要加一，樓主回覆「淨係問加隻蛋要加幾多，落單果個就咁答冇記錯要$5。」一元之差其實不多，相信消費者未必因而報海關，只是難免會有食客認為收費巧立名目，影響消費意慾。

點擊圖片放大

來源：連登討論區、《油麻地莎士比亞》MV截圖、《愛回家》截圖

同場加映：【衝出嚟玩】最新影片