現年92歲嘅黃夏蕙近日回流香港，一向都係Party Queen嘅佢突然宣布嚟緊會搞一場最後派對，日前佢就喺社交平台交代。
黃夏蕙喺片中表示自己將會於4月28日舉行最後一場派對，一直都好有活力嘅佢有感自己近日體力下降，所以想見下親友，完成自己未完「責任」：「呢年覺得有心無力，有啲攰，親力親為好辛苦。百年歸老唔火葬，將遺體捐畀醫院。」一直有做慈善嘅佢更希望搵親友接手：「我本來唔驚死，但我有未完責任，想搞埋呢次慈善會，想同親友聚首，想交低基金會「夏蕙之家」。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
黃夏蕙有7名子女定居各地，佢表示已經多年冇見佢哋，而佢哋每個都有自己嘅一番事業，夏蕙非常自豪同欣慰，佢亦都唔會過問子女嘅事，由得佢哋「仔大仔世界」：「大咗，好少見，個個都有自己生活，我好放心，佢哋搵到自己鍾意嘅嘢。不過佢就話好希望見下一班仔女：「最近我覺得身體狀況明顯下滑，好想同外國嘅仔女，一齊影張合照，好心同大家分享，隱藏係心入邊嘅一啲說話。希望仔女能夠見我一面，因為我時間無多，個慈善基金都要畀有緣人做，想畀有為嘅人繼續做。」
黃夏蕙多次講到自己唔怕死，但亦希望長啲命可以做多啲慈善嘢，而佢未來都唔會再離開香港：「唔會再去外國，因為我屬於香港。」雖然覺得身體唔妥，但夏蕙都冇做Body check，典型老人家唔用「唔check大法」逃避，不過佢就表示今次party之後就會去做檢查。
黃夏蕙又喺片段中講到佢同有婦之夫胡百全一段情。夏蕙姨指當年胡百全好鍾意細路，所以就為對方生咗7個仔女，而胡百全雖然有老婆，但亦為佢呢頭家安排周到，家中有4名工人，一家人一到放假就會一齊出街：「佢唔使你出聲先做一樣嘢，我鍾意一個人不惜一切，以前就算佢有老婆都每個鐘頭一個電話，我日日都同佢一齊。」雖然有老婆又有情婦，不過身邊都係好多女人：「後來有個女人追佢，我上佢公司，反檯。」黃夏蕙指自己好執着想對方只愛佢一個，亦曾幾次想離開呢段關係：「佢都愛得我好緊要。」
圖片來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
