星光背後丨唐詩詠哽咽自責只顧工作忽略家人 拍拖最弱溝通:最長段感情觸碰我底線

文: 余美鳳
2024.04.13

唐詩詠2003年因拍青春劇《當四葉草碰上劍尖時》入行,2017年憑《不懂撒嬌的女人》首奪視后攀上事業高峰,惟兩年前宣布與TVB約滿離巢結束20年賓主關係。唐詩詠接受商台《星光背後》訪問,承認早於2015年已欲外闖,親述離巢原因外,更於節目中哽咽落淚,談及離巢之後,才讓她有機會與年邁的父親外遊,重拾與至親關係。

同場加映:中年好聲音2丨古淖文認半紅不黑浮沉15年欠運 學習謙卑求進:當年贏冠軍一定囂

效力TVB近20年,唐詩詠17年首奪視后時才能下定決心計劃離巢,「確實係2017年拎完獎之後,我內心有諗法,我同自己講40歲後我要諗清楚想做啲咩,係我為自己設嘅deadline,感覺到自己要時間休息。(咩驅使作出轉變?)我係好鍾意演戲,但再咁拍落去,覺得自己冇突破,演嘅角色都差唔多。而生活上,已經拍到好攰。如果我想有得揀,我必須要有足夠積蓄,所以離開之前狂拍劇,計過自己半年冇工作都可以養家,金牛座需要有好好準備先去做決定。」看回自己兩年所作的決定,唐詩詠說:「我發覺恐懼源於習慣,離開後我即時接了一個廣告,亦拍咗兩部電影,有可觀收入,亦有唔同嘗試。

 


離巢後,唐詩詠更有機會赴孟加拉探訪受童婚影響的女孩家庭,她坦言此行令她人生一百八十度改變,反思扭曲的童年,「孟加拉嗰啲女仔好偉大好想讀書為其他人,我反觀自己當年有書都唔讀,只係為咗掙更多錢,好多野都係為咗自己。當年金融風暴,經歷父母離異,遇過好多人上門拍門追債,果時我認為無錢就會有好多問題出現,父母亦唔會分開。」透過探訪孟加拉被迫嫁給陌生人的女孩,唐詩詠更學懂珍惜身邊人,更哽咽分享約滿後有機會陪80歲父親首次外遊的相處點滴,「有一次見到朋友IG同屋企人旅行,我先醒起從來無同過爸爸旅行,以前只掛住拍劇掙錢,但真正陪佢嘅時間真係無乜。」憶及與爸爸在日本首次單獨相處,她一度感觸哽咽,「第一次同爸爸、哥哥去日本旅行,有一晚得返我同爸爸兩個人食飯,雖然大家無講咩特別話題,但嗰次先至好似同爸爸真正相處。」事後,她更認無悔離巢,讓她有機會重拾至親關係,「過去20年我浪費咗,希望未來日子我可以帶爸爸去唔同地方旅行,因為爸爸都80歲,之前從未試過外遊,希望佢有更多呢啲回憶,亦想一齊搵呢啲回憶,我唔想到最後先後悔。」

談及感情,號稱「絕世好女友」的唐詩詠過去的關係均失敗告終,她分析因由說:「當然有好多原因,對方原因我唔會講,我自己過去都係因為太注重工作,乜都工作行先,當然都會照顧另一半,但其實我一直唔識溝通,除咗最長果段感情,對方一觸碰我底線,我就會走!過去拍拖,我最弱就係溝通,我唔識將自己唔開心同另一半分享,我以為唔講出嚟就冇嘢,最後對方會覺得『點解你唔開心唔同我講?』」原來,唐詩詠對戀情曝露於公眾時,她亦不懂處理:「當記者問:『你哋而家點呀?』,原來當時我地嗌緊交,但我又唔想表露,就唔識點答,亦會為呢關係加上壓力,磨擦就多咗。」唐詩詠提到最多的一段感情,相信就是崔建邦,而17年回復單身至今,唐詩詠認自己成熟成長了,已準備好迎接一段細水長流能溝通的關係。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓