公屋電費|獲派大埔公屋未入伙收$652電費單 男戶主不解 網民解謎團新戶要畀

文: 程家健
2024.04.15

公屋未入伙先要交電費?一名港男最近獲派大埔富蝶邨公屋,卻在未入伙時已收到首期電費單,盛惠652元,他對此感到不解發文求救,網民即留意到電費單有一個關鍵字眼,指出必須繳費。

同場加映:

管家王|8成裝修工程超預算 裝修費隨時變雙倍 提防施工初期6大超支伏位

該名男網民在Facebook群組發帖,表示自己獲派大埔富蝶邨喜蝶樓單位,但尚未入伙就收到電費單要求繳交652元費用,遂詢問網民:「請問有住戶收到電費單未,點解我未入伙要交650蚊電費」。

從事主上傳的電費單可見,電費單於3月21日發出,顯示單位於2024年3月8日至2024年3月21日共使用2度電,費用為1.8元,加上燃料調整費0.91元和「應繳現金按金」649.29元,合共為652元,繳款限期為2024年4月5日。

網民:新入伙要畀按金

網民看到帖文後,指其中650元是按金,揶揄事主沒有看清楚字眼,「明明『按金』都冇繁、簡體字分別,咁都睇唔到」、「新入伙梗係要畀按金的,這是常識」、「好多人唔會睇清楚啲嘢,大叫咗先」、「按金,係扣除你入伙/走,冇交扣減你」、「新入伙有免租期,但冇免電期」、「係收HKD2電費,HKD650係按金,可以申請攞番」、「唔明就打電話問中電啦」、「驚你下個月走數,所以叫你畀定下個月先」、「按金,預繳費,你唔想交試吓打電話投訴佢」。目前相關帖文已被刪除。

中電開戶首期須繳按金

據中電資料,住戶需為新電力帳戶繳交按金,按金會用作帳戶所需繳付電費的保證金。中電會按住所面積去計算按金,按金金額一般是以帳戶60天的預期最高電費作基準。

按金將記帳於首期帳單內,當收到首期帳單後需一併繳交。按金金額會根據實際用電情況不時檢討,如用電量超過預期最高電費,或會增收按金。 而已繳付的按金會在帳戶結束後,退還給註冊客戶。 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【搶先送❗】Rollink可摺疊行李箱🧳!

↓ 全球最薄!免費成為全港首批用家 ↓

↓ 全球最薄!免費成為全港首批用家 ↓

↓【U Jetso】Mother Pearl圓貝健康好味便攜輕食!↓

↓ 方便又健康好味!多款口味可供選擇! ↓

↓ 方便又健康好味!多款口味可供選擇! ↓