炎明熹（Gigi）一連三場在九龍灣國際展貿中心舉行的《炎明熹Gi-FORCE演唱會2024》順利完成，昨晚（14日）尾場。她一向是「老少咸宜」的大眾偶像，尾場有陳煒與老公陳國強、姜皓文和陳山聰及囝囝陳霆軒（Jaco）、李幸倪到場支持。全晚Jaco開心揮動燈棒，完騷後更有機會近距離接觸偶像，入後台見Gigi，細細個「追星」的他，反應表現相當可愛。
同場加映： 中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
炎明熹去年十月因颱風關係，而取消的補場場次。是晚獲陳煒與丈夫陳國強、姜皓文、陳山聰與囝囝Jaco、李幸倪到場支持。廿四孝老竇陳山聰，特登帶Jaco去睇騷，Jaco全晚睇好入神，而且不斷揮動手上的星星燈棒。
Jaco比好多Fans都幸福，完騷陳山聰更帶他入後台見Gigi，Jaco見到偶像表現十分淡定，坐在梳化等Gigi行近自己，然後影合照的時候就忍不住笑，陳山聰取笑他「四萬咁口」。Gigi與他合照的時候，更不忘舉V字手勢。陳山聰事後把二人相遇一刻上載於IG，Gigi見到睇騷時Jaco的得意樣子也覺好得意，立即轉發。
三場演唱會，Gigi保持狀態大勇，又唱又跳表現落力，不過尾場的後空翻動作，表現時發生小插曲，正當她完成空翻動作落地時，可能用力太猛，最終Gigi被衛衣的帽笠頭，完全遮擋了視線，只見Gigi先露出既可愛又尷尬的笑容，之後秒速整理衣服繼續又跳又唱。
在過去三場演唱會，擔任Gigi音樂團隊成員的林智樂（Felix），來到尾場公開力讚Gigi，除了唱功了得，抗壓能力亦很強悍：「雖然有好多人讚佢，但有時都有啲好尖銳嘅留言，但佢都冇嘢，更重要係由我啱啱識佢到而家，佢個初心都冇變，對每個人都好好。有時記者朋友問我會唔會羨慕Gigi嘅事業，我覺得唔係羨唔羨慕，而係佢真係好值得擁有！」身旁的Gigi即感動表示，很少聽對方如此認真說話，並感謝對方為自己唱足三晚。
當Gigi獻唱《星語心願》後，她表示小時候看電影《星願》，已經很喜歡電影的男主角，Gigi隨後唱出《對面的女孩看過來》，任賢齊此時突然現身合唱，讓觀眾大為驚喜，他又笑謂Gigi與自己的女兒同一年出世，還搞笑說：「人多嘅時候叫我小齊哥，唔好叫Uncle呀。」之後Gigi送上繡有任賢齊的名字的水樽做回禮：「我知你5月份開巡迴演唱會，所以我揀咗呢個，識自己煲水嘅水樽，呢個可以直接煲水，非常方便，我都繡咗你個名喺度。」
除了嘉賓夠份量，這晚的驚喜還一浪接一浪，開騷前大批歌迷要求Gigi唱出新歌《還有一艘救生艙》，收到大家的訴求後，Gigi特意於補場上送予歌迷，但卻一時感觸唱到喊，幾乎大半首歌要台下歌迷代唱，Gigi說：「我覺得我又代入咗首歌裡面，但唔係愛情，今日係最後一場演唱會，即係今日係最後嘅一次，然後大家要遠離我嘅感覺。點解今晚先揀呢首歌嚟唱？因為我想送呢首歌畀補場嘅大家，但係我真係冇用，成首都唱唔到，要大家幫我，我下次會唱好佢㗎。」台下再次大叫「加油」，為哭成淚人的Gigi打氣。
Encore部份，Gigi特別為尾場的樂迷獻唱《你是你本身的傳奇》，坦言台下每位歌迷都是一個傳奇，一起成就了她的歌手夢，Gigi再一次落淚，對於這個人生第一個演唱會舞台、還有台下的觀眾，充滿不捨之情；唱到演唱會最後一首歌《Only For Me》，Gigi叫大家高舉手提電話燈和唱，望向這片燈海，Gigi再度落淚，演唱會在不捨之情下，感動落幕。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
