荃灣東京站日式小食結業 店舖漏夜清場市民嘆不捨

文: 溫藹紅
2024.04.16

荃灣東京站日式小食結業!荃灣再有食肆執笠,位於大河道的人氣小食店「東京站」近日突發結業,除了主打魚蛋燒賣等多款街頭小食,小店最出名還有雞蛋仔、格仔餅及章魚燒,可謂是該區地標之一,不少街坊感可惜。

荃灣出名街頭美食多多,其中位於大河道馬路對出的「東京站日式小食」,在區內幾乎無人不曉。

記者昨(15日)晚上10時左右途經時,發現小店內幾乎清空,並有相關店員正漏夜「清場」欲還原舖頭,是繼路德圍多間老店結業後,再一間人氣地標舖執笠。

現場可見,原先印著「東京站」深藍色的省鏡招牌已經拆除,僅剩下與牛奶妹相似的熟悉「嘜頭」。至於平時售賣小食的小檔口,仍然貼著多款章魚燒的美食舊照。

▼直擊!東京站日式小食結業▼

東京站日式小食在荃灣開業近10年,主打各款日式街頭小食,包括吐司Q餅、章魚小丸子、叮噹豆沙餅等;另外亦有港式小食如魚蛋燒賣、煎釀三寶、牛雜、腸粉等,其中有不少人都大讚小店的脆皮雞蛋仔及格仔餅好食。

不少市民頗感驚訝,同時大嘆疫情如此艱難都捱得過,最終仍要面臨結業,覺得相當可惜。此外,亦有人擔心東京站旁屹立已久的榮安車仔麵會否同樣難敵市道,不過目前小店仍然正常營業,大家可以放心! 

資料及圖片來源:UHK港生活、小紅書

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓