港女列結婚開支最少40萬起跳 仲未計3件事？網民教1招回本
雖然結婚擺酒是人生大事，但對不少新人來說也是一筆不小的負擔！近日有位女網友在本地討論區上，發文慨嘆在香港結婚負擔大，「淨係結婚已經40萬起跳，仲未計度蜜月買樓買車」，雖然擺酒時會收到親朋好友送贈的「人情」，但她直言「唔會回本的」，隨後又在文中詢問其他網民，「如果影相擺三四圍租婚紗，唔計戒指100,000得唔得？」
點擊圖片放大
帖文一出，隨即引來大批網民留言討論，不少人都認為婚禮「平有平搞，貴有貴搞」，「簽張紙好平啫」、「旅行結婚最慳」、「簡簡單單簽張紙，圍內兩家人食餐飯咪算」。有網民則認為要視乎親好友多寡而定，「朋友同事唔多就唔好大搞，蝕死你」、「有幾細搞幾細，想賺錢/蝕小D最好擺星期六/日中午，擺夜晚蝕硬」
點擊圖片放大
亦有網民分享親身經驗，表示自己當年結婚擺酒收到的「人情」，不但足以「回本」，而且更是大賺一筆，「結婚賺咗七十幾萬，睇你乜親朋戚友」、「擺d（平價親民的場地）酒店，好易回本」、「我當年收人情都回得哂酒席錢，計埋親戚金器有賺添」。
來源：LIHKG 討論區
港生活人氣本地熱話
↓【招募試食員🐱】送Harlow Blend全新貓糧系列！↓
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
