逆天奇案2丨容天佑帶「賈明昇」鄒兆霆狗場做義工 愛心爆棚搬搬抬抬被狗狗融化

同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣

容天佑本身是兩隻毛孩的爸爸，平日IG都經常分享兩隻愛犬的生活日常，原來天佑錫佢哋之餘，亦關心到狗場入面的狗狗，日前，他帶埋女朋友及好友鄒兆霆一齊到天水圍的狗場做義工。兩個大男孩發揮平日做Gym的功效，幫忙狗場搬搬抬抬重份量的狗糧，亦幫忙照顧現場的狗狗。當他們見到狗BB時，即時心都融化抱起牠們影相合照，容天佑留言呼籲大家領養無家可歸的狗狗小朋友，他說：「今日有好多wowo（汪汪）同我講，叫我揾人帶佢哋返屋企。佢哋都好想有個家，想有爸爸媽媽，叫我問下你哋，就算唔帶佢返屋企，都可以請下佢哋食糧糧同探佢哋㗎！我哋喺天水圍咋！」

+11

+10

點擊圖片放大

而鄒兆霆認為日行一善，好多狗狗都需要大家幫助，所以幫下手出下力。其實容天佑和鄒兆霆都各自有養狗，所以見到狗場的小朋友都忍不住狂玩，他們抱起可愛的黑白色狗BB，希望狗BB可以盡快獲得領養，有一個屬於自己的家。