舒淇同老公馮德倫嘅互動一向都調皮可愛，今日（16日）係舒淇嘅48歲生日老公都冇「放過」佢，大整蠱post出陳年老土黑圖賀壽，舒淇都有留言回應老公，唔少網民都替佢「一額汗」，指馮德倫「一直在玩命」！
馮德倫2020年都有喺社交平台公開祝老婆生日快樂，當時都係post下老婆合照，今年佢就搞搞新意思post出兩張幾乎認唔出係舒淇嘅陳年老土舊照，馮德倫留言：「Anyone seen my wife? It’s her birthday today.（有冇人見到我老婆？今日係佢生日）」相中嘅舒淇身穿跌膊花衫，下身着貼身皮熱褲，梳一條側辮；襯上紫紅色咀唇同一字柳葉眉，再加上佢嫵媚表情同輕撫頭髮嘅動作，真係一絕！
同場加映： 中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
有時賀壽真係唔使咁有創意，穩陣就好，舒淇明顯都當呢啲相戚黑歷史，冷冷留言：「算盤已備好⋯⋯⋯⋯」相信馮德倫睇到都背脊發涼，唔少網民都戥佢擔心，留言：「準備跪到膝蓋壞掉吧！」、「馮導不怕死。」，都有人覺得舒淇當時都係好靚：「還是很美的啦。」、「沒關係啦～誰沒有過去哈哈哈，還是很美啊。」而大家都好羨慕佢哋之間有咁可愛嘅互動。
舒淇同馮德倫20多年前因合作電影《美少年之戀》結緣，兩人雖然相識的時間相當長，卻直到2016年才修成正果。舒淇曾經節目上回應點解多年後氐發展：「因為我看不上他呀！我合作的都是劉德華、金城武，輪得到他嗎？」語畢全場哈哈大笑。除此之外，舒淇都喺其他訪問中調侃馮德倫，學馮德倫說話口吻，仲大爆老公私下非常自戀，為保持身材節食得仲勁過佢！唔少人都畀佢哋閃盲，大讚可以互窒、愛情加友情嘅關係非常完美。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
