貓砂盆｜$540淘電動貓砂盆中伏 貓貓如廁砂盆不斷轉 飼主警世：繼續用會冇命

該女網民本周二（16日）在Facebook群組「淘寶開心share」中發帖，表示最近花費540港元、從網購平台「淘寶」購買一個電動貓砂盆，當貓貓如廁後，貓砂盆會自動翻滾貓砂處理大小便。

然而實試卻發生意外，當貓貓仍在裡面時，貓砂盆卻不停滾動。從其上傳的影片可見，貓貓在貓砂盆裡面如廁，她著家人要「睇住整停佢」，未料貓砂盆滾筒仍傾側轉動，她馬上大喊「跌佢落去」、「整停佢」、「危險」、「抆掣」，最後家人拔掉電源，貓砂盆才停止運作，她便提醒其他網民：

「很危險，繼續用會冇命。直至我看到牠很危險，腳已經易跌落承載糞便的位置，我們將電源拔掉，電動廁所才停止，希望唔會再有其他動物受傷。」

+14

+13

點擊圖片放大

網民：夾死過好多貓貓

不少網民看到帖文後，指過往一些劣質電動貓砂盆曾造成意外，甚至令貓貓死亡，呼籲貓主要小心選購，「希望主人唔好再買呢啲傷害動物」、「我聽過夾死過好多貓貓㗎喇」、「又大件又危險一定唔會買，剷屎尿順便可觀察埋佢哋健康狀況，咁都懶就唔好養貓」、「我都有用貓砂機，不過人手撳掣，睇住佢鏟完先，唔會畀貓行近」、「好多部都唔會出現呢啲問題，買之前睇清楚晒啲評論先啦。我用PXXXXX，隻貓未掂到廁所，行近少少已經會停機，有紅外線sensor、重量sensor，揀部安全嘅先買啦，呢部掉出街前都要整爛佢先，唔好害貓」、「電動貓沙盆已經出事過好多次，其實用有蓋普通沙盆仲好，清屎時可以觀察貓貓腸胃情況，唔會用好多時間」。

對此，事主表示家中有4隻貓、1隻狗和6隻鸚鵡，當初購買電動貓砂盆只是想分擔工作，「我都會好盡力去做㗎，所以我唔係買咗個電動廁所就唔會理佢哋，邊隻屙屎，我都會留意，我緊張佢哋，仲多過自己！」她又指貓貓並無受傷，她因不想有其他動物受害，才在社交群組發帖警世，