何艷娟戴過百萬名錶躋身名流 與大40年老公離婚後財務自由

文: 余美鳳
2024.04.21

現年32歲嘅港姐季軍何艷娟 (Katherine)自從同「十億老公」離婚後就過住名媛生活,不時都會分享生活照嘅佢日前post出靚靚打卡相,相中嘅佢雖然打扮撲素,但就戴上過百萬名錶,真係今時唔同往日!

同場加映: 娛樂 • 中年好聲音2丨顏米羔離婚投資失利陷中年迷失 認任性放手一搏:為媽媽爭番啖氣

何艷娟日前如常更新社交平台,冇太多描述,但就大方分享靚相,相中嘅佢化上完美妝容set晒頭,簡單着上白色上衣加牛仔長褲,不過手上嘅腕錶就一啲都唔簡單!何艷娟戴上嘅係瑞士名錶Patek Philippe Nautilus,要價過百萬港元,而且有錢仲唔一定會買到,近年有少數PP錶款因供不應求而出現炒風,為免手錶落入炒家之手,會先對輪候買家作簡單背景審查,當中包括:除要有VIP作介紹人外,並要求準買家提供個人名片,部份AD更會根據名片上公司電話聯絡當事人以核實身份等等。有啲經銷商更會要求買家即場剪袋佩戴,並收走包裝保護紙盒,以防手錶被當作全新轉售他人。

 

 

何艷娟為2014年港姐季軍,2018年7月跟當時66歲嘅澳博營運總裁吳志誠正式入紙申請結婚,兩人年齡相差40年,譜出爺孫戀。之後何艷娟又於IG大晒她手上戴着的巨型鑽戒,還不時post靚相分享她婚後躋身名流社會的富貴愜意生活,周身名牌,且經常周遊列國,日子過得非常享受,雖然2019年二人離婚,但都冇損何艷娟嘅優質生活。

何艷娟2019年於IG宣布離婚的消息,當中內容如下:「在和平和友好的情況下,我們決定分開了。並說好了大家再見亦是好朋友,並且彼此多謝大家和互相祝福。」何艷娟回覆承認與吳志誠離婚,兩人的婚姻僅維持8個月。吳志誠身家豐厚,保守估計逾30億港元,何艷娟現時亦已淡出無綫的演藝工作。

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓

↓ 雞胸經低溫慢煮烹調!/ 提供研製多時的獨特口味!↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓