中年好聲音2丨拉姑捧足兩晚場心心眼親自送禮 譚輝智受寵若驚：唔好咁快變心

同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣

《中年好聲音2》的「人氣王」譚輝智被形容為新一代「師奶殺手」，比賽過程中贏得不少「姐姐」們的喜愛，評判們都大讚他相當有觀眾緣，加上他到比賽後期，搞笑有趣的個性都表露無遺，令粉絲人數有增無減，相當厲害。狄波拉（拉姑）自從被甄妮姐姐爆是譚輝智的粉絲之後，追星的行蹤亦備受關注，拉姑睇晒一連兩場的《中年好聲音2隆重登場慈善演唱會》，兩場都有機會能夠跟譚輝智握手兼抱抱，TVB無綫娛樂新聞台直擊尾場她攬實輝智時的興奮狀態，相當忘我。

+8

+7

點擊圖片放大

而拉姑有跟隨好友曾志偉現身慶功宴，輝智跟拉姑相當熟落，直接搭對方膊頭老友鬼鬼，沒想到原來拉姑特別訂造一個輝智的人形Figure當作賀禮，Figure中的輝智唱歌唱得非常投入。《東張西望》訪問拉姑問到為何愛輝智，她說：「因為佢係輝智囉！冇得解釋呀！（最鍾意輝智邊首歌？）首首都鍾意！得呀喇，唔好再問喇！」隨後拉姑立即低頭面紅，十足小粉絲一樣非常可愛。對於拉姑的寵愛，輝智坦言受寵若驚，不敢相信，他說：「多謝你呀拉姑，點解嘅？點解會鍾意我嘅？我有咩好呀？我都唔知呀！我會繼續努力繼續唱嘅，希望拉姑會聽啦！唔好變心呀！唔好咁快變心！」而「總經理」曾志偉搞笑說：「頭先全場人見到輝智嗌跳舞，跳舞，跳舞，原來咁鍾意睇佢跳舞呀咩？點知佢又真係跳喎！仲係跳得咁難睇喎！」