岑珈其一向在屯門土生土長，自細就在良景邨附近的新圍苑長大，視該屋邨為家鄉，事關小學、中學都在屋邨附近。雖然珈其已經成家立室，不過他仍然選擇居住在屯門接近家人，方便照顧小朋友臻臻。珈其近日在Threads發表一句說話，引起所有屯門人的共鳴，亦有不少非屯門友加入熱烈討論。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
岑珈其日前在Threads留言說：「住屯門真係好怕塞車，遠唔係問題，塞車先係問題。」沒想到一句說話引起不少網民熱烈討論，他的好友魏浚笙回應說：「你又話慣咗嘅？」而KOL霍哥就反對說：「早兩日去搭巴士又唔係好聲喎（3PM）」
現居屯門的網友紛紛表示大有共鳴，「屯門人共鳴，個屯公係無論任何時間都塞車。」、「同意，仲要企住塞車」、「真，最癲係試過一早都可以塞」、「絕對明，屯門係無一日唔塞車」、「Imagine一星期/一個月要用幾多時間喺交通上，如果交通一齊暢順，將時數減半，生命充實幾多。」、「其實唔塞車就唔會覺屯門遠」、「好多年最長記錄係滯留屯門公路三個鐘」、「日常問候屯公母親」、「騎牛行山路比較快」等等。不過亦有非該區的居民未能體會到「屯門友之痛」，「我住赤柱何嘗唔係呀」、「住東涌仲慘，好多出市區巴士開到下午1點、4點就收皮！」、「搭西鐵啦」等等。
珈其在2021年電影《緣路山旮旯》擔正男主角，戲中正是跟五位住在遠離市區「山旮旯」地方的女生周旋，令珈其相當入戲。他曾經接受訪問時表示：「如果我唔係喺良景邨長大，我嘅人生可能會截然不同，呢度真係畀到好多養份我。」而他在電影的多次的謝票活動上，跟屯門友都有相當搞笑的互動，大家都明白搭車或駕駛出入屯門之苦。
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓《社群狂歡大激賞》↓
↓送香港迪士尼樂園1日標準門票60張！↓
