《中年好聲音2》的幾位參賽者劉威煌、顏米羔、梁浩賢、梁思傑、譚輝智、甘永傑及王嘉明開設的YouTube頻道《輕鬆啲》大受歡迎，昨晚邀請到伍仲衡及周國豐兩位評判做嘉賓，除了周國豐難得大開金口外，幾位成員都有盡訴心中情。其中伍仲衡大爆早於《中年好聲音》第一季就已經叫劉威煌參與，直至第二季都困難重重。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
伍仲衡踢爆首場海選記者會當日，工作人員向他求助，因為大家都找不到參賽者之一的劉威煌，「工作人員知我識佢，佢哋好無助，因為佢報咗名呀！全世界都搵你！突然間唔嚟，但打唔到畀佢，後來覆我話有難言之隱，威煌諗好多嘢，行一步又褪兩步咁。」好兄弟梁浩賢、甘永傑等都不知道有這件事，劉威煌才娓娓道來：「的而且確有尷尬位，聽到啲說話係：『又行番出嚟呀？要紅都紅咗啦！』呢啲會阻礙到我繼續玩呢個比賽，我當年係離開TVB呀嘛，如果再返嚟玩又要重新簽約啦，好多嘢諗！所以第一次海選我係冇去！」
連收看直播的區永權都稱知情有料爆，威煌續言：「唔講都講埋喇，由於海選冇出席，所以我參選資格係被取消呀！後尾多謝區永權同祺哥，叫我諗清楚，因為張報名紙仲喺度，勸我去玩，所以我先喺第二日海選就出現喇。心理關口去到好後期先解脫，上網好評同負評都係參半。」在第二日海選撞到顏米羔、甘永傑、梁思傑及梁浩賢，才重新認識幾位朋友仔建立友情。劉威煌另外在直播透露，將於8月舉辦兩場個人演唱會，而他亦期待「輕鬆啲」八位兄弟一齊搞演唱會。
劉威煌反爆譚輝智料，指輝智每場比賽前都想「縮沙」，輝智說：「開頭幾乎每次都想退賽，開始未夠鍾意唱歌，因為唔係成日唱。（海選唔肯嚟？）我被我老婆逼呀，去啦拋個身出嚟試下人一世。（佢唔參加？）佢成日都話我難聽嘅。」梁浩賢指起初不認識輝智，一聽完他唱歌就驚為天人，不斷鼓勵他繼續玩，不要放棄，輝智說：「我記得李浩森係第一個鼓勵我，當日係第一日正式上電視，死啦，一上電視就全世界都知我參加，因為我未知自己質素，不如退咗去唔玩，費事出醜就一世。李浩森未聽過我唱，因為佢以為都係咁，好驚，佢話難得有機會就去試啦！」眾人大讚輝智在比賽過程中改變很大，樂於面對鏡頭說話，輝智笑言：「其實我學壞咗啫！」
」，
App內睇文同睇片可隨時捕捉U Fun彩蛋，
換領現金券及禮品！
↓【請您試食】一粥麵「麻椒醬油雞」及「去骨海南雞」套餐！↓
↓香濃嫩滑︱辣中帶麻︱立即免費換領↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
