現年87歲的梁葆貞在長壽處境喜劇《香港81》至《香港86》中飾演「順嫂」一角而深入民心，早前由加拿大返港探親，獲電台邀請接受訪問，大談現時生活以及昔日演藝工作點滴。
同場加映： 娛樂 •逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
久未亮相幕前的「順嫂」，早年已隨女兒移民加拿大享清福，現時不但有孫，更有曾孫，四代同堂，幸福洋溢。而她仍然會每年回港探望兒媳：「我就好似隻候鳥咁，我鍾意加拿大嘅夏天，冇咁炎熱；我鍾意香港嘅冬天，唔會成日落雨，唔會成日『黑媽媽』，一早就天黑，咁兩邊都有我摯親嘅人，咁我咪變咗兩邊飛囉！」葆貞姐在訪問中，不忘多次大讚在港的媳婦，對她很孝順之餘，說話溫柔令她甜在心頭，故每年也回來相聚。
葆貞姐又大談婆媳相處之道：「新抱同你根本係冇血緣關係，佢唔嫁你個仔都唔識你，咁佢嫁你個仔識到你，婆媳關係都係一種學問，最焦點就係尊重！」她表示，在擺出「家婆款」這一套已行不通，做人要將心比心：「我呢個新抱對我非常之好，事事都好尊重我哋，老人家最需要嘅就係溫暖、尊重同愛錫。」因此，她更指自己愛錫媳婦多於子女。
入行逾40年的「順嫂」，父親是已故粵劇界一代始祖、演藝界名宿梁醒波，在娛樂圈見盡人生百態，但葆貞姐很知足，樂於做個小人物角色。她最欣賞兩位巨星級偶像，分別是「哥哥」張國榮及「發哥」周潤發，認為他們最值得尊敬。
她憶述當年返電視台拍劇巧遇張國榮，對方得知她同樣移民到溫哥華：「佢問我點解唔搵佢飲茶，我話哥哥我冇你個電話呀，佢話我依家寫畀你，但（有人）叫佢入廠，結果佢拎住個地址、電話逐個廠搵我，佢唔知我喺邊個廠拍嘢！我都好感動，哥哥真係對老人家好尊重、好尊重嘅一個紅星！」至於另一位紅星就是「發哥」周潤發(葆貞姐稱他為「發仔」)，她笑言有次在台慶後台碰到他：「佢問我點解瘦咗咁多，我話我有糖尿病，佢話『睇醫生，我聽日同你睇醫生』，我話唔使我已經睇緊醫生食緊藥，我好感動！」
圖片來源：大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
