中年好聲音2丨朱博文靠醫美打走眼袋減齡10歲 被誤會成評判伍仲衡囝囝笑爆嘴

文: 余美鳳
2024.04.21

《中年好聲音2》雖然已經圓滿落幕,不過108強的參賽者都各自得到觀眾和粉絲的支持,其中實力唱將之一的朱博文跟劉可合唱《難為正邪定分界》一曲時,慘遭淘汰,不少觀眾都戥他感到不值。近日朱博文跟伍仲衡出席母校聖芳濟書院的校友聚會,竟然被誤會是兩父子,認真搞笑。

 同場加映:中年好聲音2丨顏米羔離婚投資失利陷中年迷失 認任性放手一搏:為媽媽爭番啖氣

朱博文去年以39歲之齡參加《中年好聲音2》,他初衷是為離世的姐姐圓音樂夢,希望亡姐可以為他而感到驕傲。比賽結束後,本身是從事財富管理的朱博文都回復上班,不過比賽過程中他都有成立粉絲組織,大家都支持他繼續唱歌追夢。朱博文都不時開直播跟粉絲們傾偈分享今次比賽的感受,不少人指朱博文是比賽中的第十六名,但不明白為何早前舉辦的《中年好聲音2紅白大戰》和《中年好聲音2隆重登場慈善演唱會》沒有他參與。當時朱博文坦言一切都是主辦單位的決定,可能考量的事很多,他都不知道原因。

不過朱博文直播的另一焦點是他的髮型改變,加上比賽期間出現的老態眼袋消失,令他的容貌忽然減齡至少10歲。他在直播中解釋,比賽期間看到演出片段,已經感到眼袋問題嚴重,於是接受醫美成功打走眼袋,回復「童顏」。沒想到他的「童顏」昨晚鬧出另一個笑話,朱博文受到伍仲衡的邀請一齊出席母校聖芳濟書院的聚餐活動,沒想到竟然被誤認為兩父子,他在IG自爆今次趣事的來龍去脈,非常搞笑。內容如下:

趣事一則分享:

今日受伍Sir邀請,一同出席校友會舊生活動。
座席期間,有位仁兄主動走上前,要求跟伍Sir合照留念,伍Sir當然來者不拒,於是便叫伍太幫手揸機….
影完後,二人產生以下一段對話….

仁兄 : 唔該晒唔該晒!借問聲揸機呢位係?
伍Sir : 同你介紹返,我太太,伍太!
仁兄 : 伍太,你好…. 咁旁邊呢位係?(示意我)你個仔?
伍Sir : 我個仔?!
仁兄:定係你個孫?(認真mode)
伍Sir : ……(黑面)

我同伍太喺旁邊已經笑到收唔到聲….

再次證明,我個樣真係生得比較”童顏”….同時亦希望伍sir唔好介意,我下次會喺你作介紹時,盡量離你遠d….希望你唔好嬲嬲….

大家話,我哋似唔似兩父子先?

#中年好聲音 #中年好聲音2 #朱博文 #朱仔 #jackychu #伍仲衡 #伍仲衡harryng #harryng #harryngchunghang #聖芳濟書院 #維港遊

不少粉絲留言都表示最想知道伍仲衡的反應如何,一向自信爆棚的伍仲衡竟然受到如此打擊,大家都留言等「剝花生」睇戲,而伍仲衡的太太Ida都有留言放一串「爆笑」Emoji。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓