正忙於MIRROR世界巡迴演唱會的成員王智德（Alton），近日剛剛返港作短暫休息，沒想到就有意外「收穫」。他在Threads分享照片，原來他都正受臭屁蟲蟲卵的侵入。被形容為「大埔名物」的荔枝椿象（俗稱：臭屁蟲）在春夏季是產卵高峰期，特別喜愛在郊區居民的衣物之上產卵，令不少香港市民都大受困擾，Alton都要上網求助。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
Alton在Threads分享一張照片，相中一幅布上面清楚見到14粒綠色圓形的物體，近日有留意新聞的觀眾相當對它都不感陌生，沒錯，就是「荔枝椿象」的蟲卵。Alton留言說：「喺太歲頭上動土，你以為整齊大晒？（點部署）」不少網友都紛紛留言獻計，叫Alton要小心處理，「呢個咪大埔名物14粒？」、「齊齊整整14粒，未孵化，拿拿林掉咗佢啦」、「戴手套先處理佢哋，好似要壓爛佢」、「快啲搞，用熱水，戴手套」、「呢單嘢好危險，走先」、「你夠膽幫佢影相我真係respect你！」等等。Alton正在「線上等」的同時，他表示已經有「眼仔」出現，而他亦非常幽默，他仔細欣賞過蟲卵，竟然令他想起電玩遊戲《生化危機系列》入面的William Birkin，「中間啲生咗眼仔喇！」、「純粹覺得粒嘢好似佢膊頭隻眼（望真啲中間有一點）」認真幻想力豐富。其實Alton屋企都不止一次出現昆蟲，去年6月家中出現「不速之客」，接近手掌大的四眼蛇，他即時用膠盒裝住，再問問網友意見如何處理是好，看來Alton屋企都幾熱鬧，經常有「客人」拜訪。
部分有網友安慰Alton指他已經非常幸運，事關集齊14粒代表未孵化、未大量繁殖，「你要慶幸佢齊14粒」、「恭喜你呀！好彩齊齊整整14粒，唔係就煩！」、「往好嗰邊諗，至少你數番齊14粒」等等。青綠色小粒是荔枝蝽象誕下的蟲卵，牠們愛在衣物上產卵，每次產卵通常會誕下14粒，約2周後會接近破殼成蟲，故網民常稱呼牠為「14粒」。
本港皮膚科專科醫生史泰祖曾稱，臭屁蟲分泌出來的汁液主要用來擊退敵人，有一定刺激性，皮膚若被這些毒液濺中或會令皮膚敏感；如濺入眼可能會因直接接觸，出現痕癢或紅腫引致發炎。因此，萬一被臭屁蟲的汁液濺到皮膚或眼睛，記得第一時間以大量清水清洗，情況嚴重需立即求醫。
相關新聞及解決方法：
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
