現年33歲的鍾培生近年成為話題人物，富三代出身嘅佢一直都冇對外公開固定伴侶，因此唔少人都好好奇佢「情歸何處」。日前佢出席公開場合時，一名TVB小花就坐喺佢身邊，驚傳佢成為鍾培生新寵。
同場加映： 娛樂 • 打天下2│AK即學即打動作比上輯華麗 Tiger武術底子身手獲導演讚賞
日前鍾培生分享自己出席仁濟醫院晚會嘅相，當中一張見到鍾培生老友陳爾正以及其TVB小花老婆陳詩欣，另外仲有多位美女，而另一位TVB小花黃紫恩（Jojo）坐正鍾培生旁邊，因此有傳呢位TVB小花成為鍾培生新寵。不過從另一張合照上看來，可以企到鍾培生身邊嘅係當晚身穿低胸紅色長裙嘅松岡李那，而鍾培生之前都有同松岡李那拍攝佢「Date With 鍾培生」系列短片，網民估計二人關係匪淺。
然而鍾培生之前曾經拍片指如果女生對侍應冇禮貌，就會大扣分，有網民問到當晚嘅美女對侍應生有冇禮貌，鍾培生就回覆：「個個都好有禮貌，好朋友。」鍾培生死敵林作又出嚟抽水，表示：「搵TVB女沒問題，不過再多女，都不如有一位長期相伴的紅顏知己。好似我同左美美（裕美）已經一齊5年咁，咁樣細水長流，方為人生上策。」而主角黃紫恩親回：「羨慕作哥你有這段美好姻緣🫶🏻祝你們細水長流幸福美滿，鐘（鍾）先生是香港少有的高質男孩子，我是不敢高攀的🥲」
鍾培生之前曾被袁嘉敏爆料，又被網紅Ashley追「賠償金」，私生活非常精彩。近期他的IG密密更新短片，發表自己對社會，娛樂圈或是兩性相處的意見，自信表現令人欽敬。有指鍾培生家族生意過百億，所以佢亦被視為城中「筍盤」，所以佢亦一直不愁寂寞。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
