蔡嘉欣拋開人妻身份捉陌生男跳舞 吳若希飛機場突然升級全場最勁
「拜金港姐」蔡嘉欣（Kayan）即將踏入30歲，一直都好活躍嘅佢同一班好朋友開螢光aerobic生日派對，唔知係咗兩杯，各人都表現得好狂野，非常盡興。
同場加映： 娛樂 • 打天下2│AK即學即打動作比上輯華麗 Tiger武術底子身手獲導演讚賞
蔡嘉欣雖然已經同無綫完約，不過外向嘅佢喺圈中廣結人緣，好多好友都有出席，例如《姊妹淘》多位主持包括莊思敏、陳詩欣、吳若希、何依婷、王子涵、鍾晴等都有現身，齊齊預祝蔡嘉欣 30歲生日。蔡嘉欣金融才俊老公好早就已經飲到瞓着咗，而佢本人就好似上咗電咁，被好友多次影低失控舞姿，喪扭又屹籮，一啲藝人包袱都冇，完全冇理其他人眼光。
蔡嘉欣之後佢更拋開人妻身份，捉住現場一位陌生男子，逼對方企起身一齊跳舞，蔡嘉欣朋友Manson見到佢去「撩」陌生人都好驚訝，而男子「欲拒還迎」，最後齊齊跳舞。蔡嘉欣成功感染其他人一齊high，炒熱全場氣氛，真正係party queen！
蔡嘉欣以一身螢火蟲打扮示人，雖然用螢火綠satin單車褲打底，外面搭Shocking pink一件頭貼身「高衩衣」，非常爆烈。蔡嘉欣其他好友都一律跟足dress code，當中吳若希老公Alex就「裝假狗」，喺低胸貼身舞衣入面攝咗個40吋假胸，而最後，假胸仲去到吳若希身上，效果仲好自然，平日波平如鏡嘅佢突然變到big波蕩漾，佢仲少有咁勁舞，話要做跳唱歌手，好有動感呀！
圖片來源：Instagram
港生活人氣本地熱話
【☀️大派海洋公園水上樂園門票💦】
⬇ 立即登記拎飛 ⬇
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
