傳張可頤拍無綫醫版《新聞女王》 離巢12年投港視曾被指「叛將」

文: 余美鳳
2024.04.23

公認係好戲之人,現年50歲嘅張可頤近年活躍影圈,喺賀歲片《臨時劫案》中狀態keep得好好;今日有消息傳出拍劇出身嘅佢將會回巢TVB,年尾視后之爭可能再有好戲睇!

同場加映: 娛樂 • 打天下2│AK即學即打動作比上輯華麗 Tiger武術底子身手獲導演讚賞

有消息指,張可頤將會參與無綫今年嘅重頭劇《巨塔之后》拍攝,回巢做女主角。有指《新聞女王》叫好叫座,被視為信心保證,最近TVB同YOUKU重頭合拍劇《巨塔之后》誠邀張可頤重回娘家,照辦煮碗搞一套「醫療版」《新聞女王》。據知今年最重磅劇集係楊怡做主角嘅《黑色月光》,估計《巨塔之后》未必可以今年內拍完,但如果勢在今年推出,就會有多位「巨頭」相爭視后之位!

張可頤1994年參加香港小姐競選,以大熱門姿態晉身總決賽,並在準決賽贏得了「最具演藝潛質獎」。張可頤2003年憑《九五至尊》的呂四娘一角打敗郭可盈、陳慧珊、宣萱、佘詩曼獲得萬千星輝賀台慶2003「本年度我最喜愛的女主角」,被視為代表作之一。2004年憑藉《金枝慾孽》的蘇完尼瓜爾佳·安茜(安貴人)一角人氣急升,當時因戲份多於該劇女主角之一的佘詩曼因此傳出不和。張可頤飾演嘅安貴人一角沒有入圍萬千星輝賀台慶2004「最佳女主角」最後五強而引起網民極度不滿,當時有指因為佢有離巢之意導致。

 

 

2005年張可頤與無綫改簽部頭合約,其後佢因為拍攝內地電視劇《長恨歌》太投入角色而患上抑鬱症,更導致甲狀腺分泌失調,患上甲狀腺功能亢進症,令到頸腫面腫,工作全面剎停。後來張可頤前往澳洲靜心休養;回港後得到一位氣功師父為佢治療先完全康復。

張可頤2012年與無綫約滿後離開轉投王維基旗下的香港電視網絡,並成為該電視台之「一姐」,結束與無綫20年賓主關係。張可頤當時被視為「TVB叛將」,所以被消失於《萬千星輝頒獎典禮2012》。張可頤以一集14萬為香港電視網絡拍攝電視劇《來生不做香港人》,但2013年因政府不發牌予香港電視網絡,導致眾多港視藝人「失業」,而當時有傳高層列出「叛將黑名單」上有張可頤,所以重返「娘家」機會渺茫。

圖片來源:微博

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓