TVB劇集《婚後事》早前播出時贏盡話題度，劇中的女主角陳自瑤（YoYo）獲讚本色演出，演技令人眼前一亮，有望問鼎「視后」寶座。有見及此，TVB乘勢開拍全新綜藝節目《香港婚後事》，由《婚後事》四位主角陳自瑤、賴慰玲、黎諾懿及羅天宇擔任節目主持，首集嘉賓則是劇集男主角羅子溢。
因拍劇而變成好友的五人，對談期間可謂暢所欲言。黎諾懿一嚟即單刀直入，著羅子溢解構姊弟戀背後因由，羅子溢亦大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」
直認偶爾會與太太楊茜堯冷戰的羅子溢，還分享了二人處理爭拗的手法，羅子溢的方法是「第一時間讓步」：「我以前會拗，依家屋企所有濕碎嘢我係唔會理，總之你決定就啱架喇。」並笑言每次冷戰首先讓步的必定是自己。至於太太的處理方法則是「瞓醒先算」：「我太太一遇到問題，會話唔好講住，等瞓醒先（處理）。」
五人討論得最熱熾的話題，則是「肉體出軌」VS「精神出軌」，陳自瑤一聽到這道題目，即斬釘截鐵謂：「兩樣都唔得！」黎諾懿即反駁：「諗吓咋喎。」陳自瑤聞言即一臉認真向黎諾懿拋出兩條相當尖銳的情境題，分別為「如果你老婆同你一齊，佢不停諗緊第二個男人，你接唔接受到吖？」及「如果你老婆出完軌一次返番嚟你度，你接唔接受到？」即成功令諾懿陷入苦思，並坦言確有一個狀況難以接受。
之後陳自瑤再追問黎諾懿：「如果佢鍾意咗另一個，佢之後返番嚟屋企，但個心都係飄走咗，咁又得唔得？」此時羅子溢即衝出來企圖解圍，不過卻引起賴慰玲勁大反應：「呢個好殘忍！」
另外，羅子溢一到場即追問羅天宇緋聞，嚇到羅天宇即時眼都凸埋，而陳自瑤在旁食晒花生笑謂：「你好大膽。」黎諾懿則佻皮謂：「嘉賓講嘢可以唔負責任呀。」之後全場起哄笑個不停，五人進行了長達數分鐘的「廝片」，天宇全程「怕醜草」上身面都紅晒，場面爆笑。除了天宇，Yoyo及黎諾懿亦是被玩對象，Yoyo就不斷遭羅子溢苦勸：「過去咗喇，唔好再執著個角色喇」，笑言叫Yoyo要放低劇中「張明芯」呢個角色。
同場加映：【夠鐘放飯】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
