銅鑼灣百樂中心10舖8吉？百樂中心位於銅鑼灣耀華街上，過去一直被視為美食集中地，電梯大堂經常大排長龍，加上附近有不少甜品店，又鄰近時代廣場，交通方便，是許多港人放工食飯的好去處。不過，最近就有網民發現，銅鑼灣百樂中心湧現吉舖潮，各樓層都有「吉舖」待租？
該名網民於Facebook群組「全港店舖消息（開張/執笠）關注組」上分享，指出銅鑼灣耀華街百樂中心不復以往熱鬧，「10舖8吉」，目前各樓層都有「吉舖」正在待租中。相關帖文在網上引起關注，有網友不認同樓主說法，認為他應在傍晚時分前往，才能看得清該區市況如何，「間間都4點幾5點先開，你幾點影」。
亦有人認為自從總統戲院結業後，銅鑼灣一帶的大型商場、商廈早已淪為十室九空的「死場」，紛紛留言表示「吉街吉區」、「仲叫旺舖」、「搵埋都唔夠交租，有客都無用」、「依家一樣都死，成個銅鑼灣做生意係冇得做，開乜死乜」，同時又認為百樂中心本身設計問題根本不適合作為餐廳食肆，「呢棟嘢其實真係唔啱做食肆，多人時排隊等lift等到傻」、「成日覺得呢棟樓做飲食好危險，啲樓梯好窄同埋通道永遠堆滿雜物」。
昨日《港生活》記者現場所見，百樂中心有多個樓層出現吉舖及暫時停業的情況，部分舖位更已丟空，看起來相當冷清。現時百樂中心內仍有逾十間商店食肆有開門營業，包括健身中心、樓上Café、居酒屋、異國料理餐廳等，傍晚時分有零星幾人站在大廈門前等待，相信是準備到樓上餐廳食飯。
▼銅鑼灣耀華街百樂中心直擊▼
此外，就連耀華街一帶的地舖亦出現「吉舖」漸多的問題，顯見蕭條冷清，記者發現有不少店舖拉閘未營業，並在門前張貼「出租」、「平租RENT」、「特約租售」等字眼的告示牌。至傍晚時分，耀華街仍有服飾商店、餐廳食肆營業，但店內人流並不算多。
▼銅鑼灣耀華街直擊▼
來源：Facebook群組@全港店舖消息（開張/執笠）關注組、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
