港車北上愈漸常見，周日（21日）晚有車主在返港途中，私家車疑「死火」被迫停在港珠澳大橋上，因而急召中港拖車司機求助。拖車公司接報港人求助，未有收取訂金就派司機前往現場，豈料車主「甩底」失聯，直言「畀人玩咗一餐」。
有拖車公司早前透過社交平台上發文，指周日（21日）晚上9時許接報一名北上返港的香港車主訊息，自稱從珠海駕車返港時，其私家車在經港珠澳大橋時疑「死火」，並提供車牌及停泊位置，同時又附上一輛保時捷座駕在公路邊的相片，要求拖車公司派員解困。
▼涉事車輛▼
涉事的拖車公司職員表示，本來著對方先支付訂金，惟「車主講到好急，話講個信字唔畀訂住」，有見及此公司亦相信對方不會走數，「諗住喺香港人北上有事，講個信字，（司機）即刻擺低曬手頭上工作凌晨跑上珠海幫佢」。豈料抵達珠海現場後，卻未見車主所指的保時捷私家車。
▼對話截圖▼
司機即時傳訊息兼多次致電車主，以了解車輛的確實位置。然而對方卻久久未有回覆，司機其後繼續持續嘗試聯絡不果似是「放飛機」。直至凌晨時分，司機再次傳訊息時發現對方拒收，疑已封鎖司機帳戶。
▼司機抵現場照片▼
▼對話截圖▼
公司怒斥，計及經港珠澳大橋報關及通關等，足足花了逾2小時，直至當晚凌晨1時半許司機及拖車均留在珠海，「本身經濟已經咁差，我地都係初初開始做拖車，今轉來回拖車油錢、橋費全部都要自己揹啦，真係完全俾人玩左一餐」，並期望透過帖文找到對方要求負責。
▼原帖▼
帖文引來大批網民關注，並有不少人深感同情，為拖車公司抱打不平怒批涉事車主「太過份」，又質疑「架車都未必系佢，可能影人地相」；亦有網民建議拖車公司勿相信任何人，「做生意講規矩，收到錢先做野，講人情就輸哂啦」、「而家乜都假，收錢先好出車」。
▼網民留言▼
資料及圖片來源：Facebook@Pinktowinghk粉紅拖車可遇不可求
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
