甄妮近年對娛圈大小事不平則鳴，因此被封為「娛圈風紀」，早前佢對無綫節目《中年好聲音》都多次評論，引起熱烈討論。而評判之一伍仲衡就喺開直播時揞名爆一位歌手醜聞，甄妮又再次喺社交平台開名反擊，隔空開大火！
同場加映： 娛樂 • 打天下2│AK即學即打動作比上輯華麗 Tiger武術底子身手獲導演讚賞
《中年好聲音》上月舉行決賽，塵埃落定古淖文奪冠。有網民為另一參賽者譚輝智抱不平，甄妮深表認同回覆：「哦！原來評判喜歡油膩誇張精，絕非素人。忘記了要有觀眾緣親切感，非常非常重要！唉！老油條，沒有成長的空間！」當時佢已爆好友狄波拉同樣支持譚輝智：「拉姑喜歡譚，睇落有眼光，群群之中他最好，可造之材。」又寄語新人勿自滿：「例：學友入行幾十年，表演及談話之中都仍持有一份謙和澀，這是自然氣質，永遠不敗！新冠歌手真要重頭學起！別自嗨太久哦！」
而早前伍仲衡同另一評判周國豐齊齊《周伍》開live，伍仲衡突然撩周國豐講八卦：「講啲cheesy（俗）啲嘅嘢，有人攻擊我哋節目《中年好聲音》。」周國豐就不以為意：「黐線，成日都有人攻擊啦。」伍仲衡就暗示「攻擊者」身份：「攻擊個賽果……油膩呀，你個FRIEND？」周國豐就表示：「嗰個都係我好尊敬嘅前輩嚟。」伍仲衡繼續嬲嬲哋講：「佢係咪好鍾意攻擊人……」周國豐就幫口：「佢都係敢言啫，做咩啫，你依家好唔妥咁，你係想反駁呀又？」伍仲衡突然爆料：「我聽好多佢啲嘢……唔找數嗰啲，真係呀，好多Friend同佢做過嘢。」伍仲衡續指行內好多人講「攻擊者」壞話。指對方風評好差：「我唔正式識佢嘅，你都知我識幾多人做演唱會啦，個個都識咁滯，同佢做過好多騷，我啲friend唔會呃我。」周國豐就好謹慎，話佢呢個指控好嚴重：「我又未聽過呢樣嘢。」伍仲衡少少激動反駁：「咁佢唔會唔找畀你丫嘛！同佢做完演唱會啲人收唔到錢嘛，我聽咗十幾廿年。」不過佢就話自己從來冇同過對方工作。
甄妮日前又再喺社交平台出post：「邊個出聲，邊個就係衰人。RAPE DRUG. RUDES.HAMEFUL.SHOUTING HIDING DRUGS。No MANNERS.（強暴、毒品、粗魯、可恥、大喊、大叫、藏毒、冇家教）全部都該「LIT IIT GO ｣ （由得佢）是這樣嗎？」之後佢再點名「阿伍」留言：「阿伍不對的事情，反覆炒作繼續加油添醋，一把年紀了仍分不清「對錯」唉！駡都懶得駡你了！套一句『流量比較重要』你的廢龍要打屁屁了。」
圖片來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
