連詩雅和陳家樂去年結婚，本年初宣布有喜，近日兩口子更慶祝結婚一周年，但因為陳太佗B，陳家樂笑言太太有特別任務，所以暫時未能去旅行慶祝，之後補數。天生外型瘦削的連詩雅，得天獨厚佗B只肥肚不肥身，一直以來都仍持到苗條身材，她昨晚（25日）貼出的全身照片，終於腹部隆起，而且又大又圓。
同場加映：打天下2│AK即學即打動作比上輯華麗 Tiger武術底子身手獲導演讚賞
陳生陳太在結婚一周年，各自在社交平台貼出照片，陳家樂感幸福娶得靚老婆，朋友們都羨慕，「個個朋友都話我上世唔知做左咩好事，娶咗個咁好嘅老婆，我覺得唔止上世，應該係做咗十世善事，先可以今世成個大爺咁。」
連詩雅就覺得時間很快，結婚轉眼一周年，「好似係噚日嘅事，緊張咗一整日，事前好多嘅功夫，但係望返轉頭，覺得係個一世都會記得嘅回憶，轉下眼我哋將踏入另外一個身份，希望一切都順利，一家人開開心心，身體健康，繼續互相包容，互相愛護，一齊成長。」
二人新婚兼即將迎來小生命的來臨，雙喜臨門，他們在本年2月宣布「造人」成功。連詩雅現時懷孕約5個多月，最初陳家樂十分擔心太太，出席活動時還叫記者幫手勸太太要多吃東西。
連詩雅佗B以來，身型一直保特苗條，在IG分享生活照時，網民都不時提醒她要多吃東西吸收營養。終於在二人結婚周年食飯慶祝照片上，見到連詩雅終於穿上鬆身白色短裙，有孕味腹部終於隆起，而且個肚又大又圓。
即將做媽媽的連詩雅也十分細心，她與陳家樂飼養了兩隻松鼠狗，兼顧到之後家庭會有新成員，關心到兩隻狗的感受，怕小毛孩呷醋。她在限時動態分享了一條片段，片中一個男人抱著BB，但同時手腳並用，雙腳分別搓著兩隻狗的心口以作安慰，讓狗仔不會感到被忽視。連詩雅笑言：「咁就唔會呷醋!」相信她學到嘢，呢一招相當有用。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
