最近，網上討論區出現「嚴選二十大估唔到佢哋拍過拖嘅娛樂圈藝人」，原來有不少舊情人組合都令網民意想不到！武打巨星成龍被指苦追米雪八年，事隔多年，米雪親自回應與成龍的戀情；才子黃子華曾與潘芳芳相戀，不少年輕網民睇慣女方在電視劇演婦孺角色，驚訝她年輕時不但是文青美女，更與一位後生靚女歌手頗為似樣。
同場加映：打天下2│AK即學即打動作比上輯華麗 Tiger武術底子身手獲導演讚賞
連登網民「吳海英」盤點娛圈的發帖向來高質，當中五對藝人過氣愛侶或緋聞情人，有些真的熱戀過，亦有些始終無承認。
1. 成龍、米雪、萬梓良
武打巨星成龍被指當年未紅時，對已是一線花旦的米雪傾心，有指成龍苦追米雪八年，又送贈名貴跑車，才成功抱得美人歸。江湖傳聞指成龍後來遇上鄧麗君，決定與米雪分手，改追鄧麗君，令米雪非常傷心。
不過，米雪2007年接受《志雲飯局》訪問，米雪沒承認曾與成龍相戀，只說：「ER…唔太公道，佢（成龍）又唔在場。」她指彼此十多歲時相識，經常一班人一齊玩，她只承認對成龍有好感：「我都話得我講唔公道。（有冇單戀成龍？）少少啦，係有好感。」陳志雲指出，當年有周刊報道成龍曾表示苦追米雪八年，又揚言若非自己貪玩，可能二人已經結婚，米雪亦只輕輕帶過：「我知周刊有報道過，但我冇認真睇。」有傳成龍送跑車追求她，她只講笑說：「玩具就有！我哋依家都係好朋友。」
米雪年輕時有不少裙下之臣，連小生萬梓良亦曾自爆米雪是其初戀女友。不過，米雪表示跟萬梓良戀人未滿：「我哋亦師亦友。其實唔係真係開始拍拖，只係當時套套戲都係我同佢拍，佢幾遷就我…但佢當時有好多女朋友，所以我就冇…但我唔係話佢花心，或者只係（佢）未選擇到。」
2. 黃子華、潘芳芳
90年代，子華神曾與潘芳芳曾相戀六年，不過當時子華神知名度遠不及潘芳芳，結果因了解而分開。潘芳芳才華不輸子華神，更是一名兒童教育家。她在美國夏威夷讀大學時主修旅遊及酒店管理，2006年囝囝Queston出世後，她特別注重睡前故事和小朋友教育；2012年完成愛爾蘭Trinity College教育碩士學位，主修戲劇教育，除了幕前演出，亦擔任藝術資深導師。
年輕網民對潘芳芳的印象，大多是電視劇的校長、慘情婦女等角色，他們看到潘芳芳年輕時的靚樣，都大讚靚女，文青氣質更有幾分似新一代歌手雲浩影。
（點擊睇埋三對估唔到拍過拖嘅藝人情侶）
圖片來源：資料圖片、網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
