歌手Tyson Yoshi早前因為愛車噴上粗口字句而同一班「小學雞」結緣，估唔到事件仲有後續，今日Tyson分享佢去學校做頒獎嘉賓嘅片段，現場家長同同學都勁開心，真正娛樂大家！
同場加映： 娛樂 • 打天下2│AK即學即打動作比上輯華麗 Tiger武術底子身手獲導演讚賞
事緣係Tyson Yoshi為其保時捷噴上英文粗口FXXX YOU，早前佢喺上環泊低愛車並喺旁邊講電話，點知有一班小學生行過發現車身粗口字就興奮起哄，而老師就叫學生們唔好掛住睇，Tyson當時個樣都非常唔好意思。Tyson事後將事發經過post上IG，並留言：「Sorry children, better change it to love you…(小朋友們唔好意思，似乎改成「愛你」好啲）」而最估唔到嘅係學校冇話佢「教壞學細路，仲留言：「謝謝Tyson你的驚喜。我們的孩子似乎對你的車很好奇，我們想邀請您來我們學校分享更多關於您的車子的事，並共同設計你車子的下一個外觀。」
今日Tyson Yoshi再喺IG post片，原來佢出席該學校頒獎禮，仲喺台上用英文再次事件道歉，不過氣氛都係好輕鬆，似乎完全冇人怪罪於佢。另外，Tyson仲喺台上致詞，似乎係講到做明星藝人嘅建議：「如果為興趣的話，鍾意做就繼續做啦。但係如果想做嗰樣係為搵錢或者出名，就唔建議啦。」最後仲窩心提醒同學仔：「最主要係開心啦，做所有嘢都係為咗開心，然後……唔犯法啦。」台上小朋友就冇咩表情，可能未明當中真諦，但現場大人就聽到好開心喇！
唔少人留言盛讚Tyson勇於認錯，同時讚學校好開明，處理手法係「教科書」級數：「原本教壞細路嘅事，而家變成美好嘅事，respect 間學校。」、「唔係遮住小朋友對眼，掩住佢哋耳仔就唔會識粗口，學校做得好好。」、「有小朋友都想送佢去讀。」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
