容祖兒新歌《九秒九》久違3年再派台全新廣東歌 黃偉文助攻搵湯令山作曲兼客串MV

文: 羅志宏
2024.04.29

樂壇天后容祖兒(Joey)近年將工作重心轉移內地市場,最新久違3年再派台全新廣東歌。容祖兒今年首支派台作品《九秒九》今日(29日)上架,歌曲由黃偉文(Wyman)與湯令山(Gareth. T)再度合作。

去年,二人創作了《緊急聯絡人》,男方將前度名字填在「緊急聯絡人」一欄;今年,故事由祖兒延續,由女方角度呈現出如何徬徨焦躁準備這趟特急行程,可謂是《緊急聯絡人》下集。祖兒透露概念全由Wyman促成,「因為佢係《緊急聯絡人》嘅填詞人,當我俾咗Gareth呢個demo佢嘅時候,佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」

祖兒坦言對於每個階段的樂壇都有自己很欣賞的音樂人,上一個很喜歡的是方大同,近年是Gareth. T,「呢幾年每一次聽湯令山嘅新歌,我都可以無限循環咁樣去聽,無論佢嘅melody同埋演繹,對我嚟講好有feel,所以今次做新碟第一個想合作嘅人就係Gareth,咁就搵佢啦。」

除了作曲,祖兒亦邀請Gareth. T於MV客串的士司機一角,「佢嘅MV都係佢嘅創作嚟嘅。所以我話:『我今個MV可唔可以邀請你參加呀?你啲MV成日都有你啲朋友,我可唔可以邀請你?』佢話:『ok㗎,我可以㗎。』然之後佢就喺入面飾演一個角色。」

今次MV最特別之處是採用一鏡到尾的拍攝手法,面對首次「一shot直落」的祖兒坦言充滿挑戰性,各種的走位細節等,在拍攝前已在祖兒腦海「走」過無限次。另外,又請來著名舞台劇演員、風車草劇團創辦人之一的邵美君導戲,祖兒謂:「有兩個單位我好多謝嘅,第一次合作嘅導演Maggie同埋邵美君老師。好耐之前我已經同邵美君講,『我好想跟你學演戲。』雖然最後冇成事,但今次呢個MV Maggie幫我搵咗美君,我哋一拍即合!喺佢嘅指引底下拍咗呢個MV,個感覺好安全、好有信心,希望大家都會喜歡呢個MV啦。」

《九秒九》official mv youtube link:

https://www.youtube.com/watch?v=-faG6EV5G4A

 

延伸閱讀

傅嘉莉住淺水灣半億豪宅極富貴 出入司機接送!靠1招賺大錢同容祖兒/鄭裕玲為鄰

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓

↓【U Jetso】Mother Pearl圓貝健康好味便攜輕食!↓

↓ 方便又健康好味!多款口味可供選擇! ↓

↓ 方便又健康好味!多款口味可供選擇! ↓