黃翠如、鄭詩君（C君）及周奕瑋（Jarvis）主持的節目《Grand住去台北》播出最後一集，雖然節目得短短兩集，不過三人的互動都相當有趣可愛。而翠如今日有感而發，特別IG撰長文鼓勵Jarvis，字裡行間都感受到她的一份窩心，令Jarvis大為感動。
同場加映： 打天下2│AK即學即打動作比上輯華麗 Tiger武術底子身手獲導演讚賞
雖然是三人行的節目，但今次翠如選擇IG特別公關鼓勵Jarvis，事關她同樣是娛樂新聞採訪記者出身，大家經歷及感受相近，翠如留言說：「感謝可以參與這一個節目。除了老朋友C君，特別感謝可以同Jarvis一起做節目。我經常跟Jarvis說，你個人太過謙虛了，其實我明白你心態，因為我們都是娛樂新聞台出身。我們總覺得自己不屬於這個圈，我們總是覺得在外圍走。明星該有的光環，我們沒有，所以當我們做一個大節目，被其他人否定，我們特別接受，因為我們心底裏會覺得自己或許不配，當我們可以演戲，被別人批評，我們也接受，因為我們心底裏也是覺得自己或許不配。活到40幾歲，入行20年，我還是改不了這個心態。所以我明白你，跟你說加油，有點多餘。跟你說比d（啲）信心自己，我明白壞習慣改不了。那，好好善待自己，為自己而快樂。共勉之。」
的確，黃翠如當年在有線娛樂新聞台做過採訪記者，出外揸咪採訪娛樂活動，後來才慢慢成為旅遊節目主持而成名，至於Jarvis入行初期都是TVB娛樂新聞台記者，一步一步走向藝人的方向。收到鼓勵的Jarvis都大為感動，特別截圖留念，更分享兩人昔日的合照，Jarvis說：「好多謝翠如，真心好多謝翠如！好記得第一次有機會同翠如詳談，係由吉隆坡坐車去雲頂嘅途中，當時亦都係我人生其中一個迷惘嘅時候，對自己有好多唔確定、迷惘同唔識得如何自處。當時嘅我，唔識得表達呢種感覺。但係而家諗返起，正正就係翠如係呢個post入面講嘅意思，每句都係心入面最深處嘅諗法。喺呢行會遇上好多前輩，我同翠如雖然出發嘅時間唔一樣、但我哋都係類似嘅地方展開我哋呢條路，而我哋相似嘅心態，令我哋喺呢條路上睇到嘅風景亦好相似，甚至令我覺得，佢就係一位，喺前面帶住我喺呢個行業入面、一步一步向前行嘅大姐姐。雖然我哋嘅交集唔多，但嗰次車程嘅詳談，同之後喺馬來西亞頒獎台上再對我嘅鼓勵，我一直都收喺心入面，因為係對我好珍貴，好重要嘅鼓勵同扶持。就好似輕輕拍一拍我膊頭，溫暖咁扶住我去前行一步咁。之後雖然都有機會喺工作上碰面，但一直都冇機會一齊出發，一齊緊密咁拍攝一個節目，一齊再傾咁多偈。所以今次嘅台北之旅我真係好珍惜。最遺憾係去嗰幾日病咗一半嘅時間，搞到成日都瘟瘟沌沌。有點遺憾無辦法精精神神去感受成個旅程。但都已經好滿足，可以同翠如、仲要當日扶我一把俾我開始學習做大哥哥嘅C 君、一齊完成呢個節目。多謝翠如，我會記住你同我講嘅說話，我會喺你後面，繼續保持嗰份踏實但識得認同自己嘅謙卑，努力行得更自在同舒服、做到我哋都希望、我哋自己可以成為嘅嗰個自己。共勉之。最後，希望將來再有機會一齊去睇吓個地球 #你篇IG我想cap低佢留念 #一朝起身睇到個post好感動 #本身諗住晏啲先出啲感性post」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】勁送卡樂B粟一燒三重滋味套裝！↓
↓ 燒烤味🍖 / 香辣味🌶️ / 上湯龍蝦味🦞！↓
