古淖文（German）自從獲得《中年好聲音2》冠軍之後，越來越受到關注，近日他接受車淑梅港台節目《舊日的足跡》訪問，解釋其名字的由來，感激肥媽的教導，分享如何面對負評以及甚少談到的感情現況。
同場加映：逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
古淖文指在《中年好聲音 2》之前，他參加過兩次歌唱比賽，一次於《亞洲星光大道》得第五名，另一次是中二那年得到冠軍。提到他已有台上比賽的經驗，為何仍會手震？他解釋稱，自己在舞台上會感受到壓力，再聽到「叮叮叮」三聲，便控制不了開始手震起來。「後來唔再手震因為心態唔同咗。嗰次同谷婭溦合唱《Bad Boy》，我要求盡量放開心情，享受台上嘅三分鐘，佢真係畀我任性一次，自此手震就消失咗。」
2006年前，古淖文並沒有中文名字。當年因為要演唱運動會主題曲，主辦方提議為他改一個中文名刊登在中文報紙上。「有一朝，政府打嚟通知我翻譯員為我改咗『古希文』，我朦朦朧朧中收咗線，醒咗之後覺得個名太女性化，我就諗起朋友都嗌我German，不如就叫『卓文』啦！於是我變成『古卓文』。」其後他再於2021年改名為古淖文。「唔係我要改，係我朋友游說我，話改咗可以唔用。我請師傅改一個發音跟原名一樣嘅名，结果變成水字旁，我覺得似乎冇再咁冷傲，容易喊咗。」
來自澳門的古淖文表示自己沒有在賭場工作過，第一份暑期工是在澳門旅遊局工作兩個月，自此決定不要坐辦公室。「我要做歌手、做明星！2009年係澳門回歸10周年，我有份唱回歸主題曲，同一年就嚟香港參加《亞洲星光大道》。之後肥媽帶我四出登台，佢以身作則教我點樣做騷，教我要尊重別人，無論對方係CEO定係清潔姐姐；其二要尊重自己工作；第三要尊重觀眾，佢哋唔買飛我哋就唔使唱；第四係尊重自己，努力演唱，觀眾便會感受到你嘅能量。佢係我恩師，我好感激佢。」對於外界品評他帶有江湖味，他說：「可能係過去10幾年登台吸收咗，好難抹走。我而家要學識平衡，某啲表演需要帶動氣氛一起唱，可能呢啲就係江湖味；而另一些演出就要正正經經。至於前輩甄妮姐姐話我油膩同誇張，我聽咗冇乜嘢喎。每一個人都有自己嘅意見，我過去八個月接收到好多各方評語，今次有一位具份量嘅前輩提點我，其實係開心。自己睇唔清自己缺點同問題，由前輩提出我嘅不足，我都同意嘅。可能油腻誇張係指我啲江湖味。（想去拜見甄妮姐姐親自請教嗎？）我唔敢奢望，如果有咁嘅機會當然好。我最想多謝佢畀意見我，我一定會繼續努力改進。」
至於談到感情方面，古淖文表示自己沒有女朋友。「我初戀時10幾歲，而家有冇拍拖都冇所謂啦，我以事業為重。單身耐咗，要重新適應另一個人嘅生活，要用更大能量，所以單身更好。我從來冇談婚論嫁，以前要求對方外貌襯我，而家最重要係大家傾得埋。拍拖係錦上添花，一個人都活得好開心。（外間指你和谷婭溦很合襯。）點會襯？一個高佬，一個咁矮！（兩人談得來嗎？）唔可以，（佢）太惡，我跟佢三日一小吵，九日一大吵，我哋都太炮仗頸……」
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
