麥美恩罕有剖白談緋聞男友許文軒關係 一原因澄清根本沒有發展機會
麥美恩今年初於《萬千星輝頒獎典禮2023》以大熱姿態獲頒「最佳女主持」，被喻為「金牌女司儀」，是她自2017年奪飛躍進步女藝員獎後再下一城的里程碑，身價再度升呢。早前，麥美恩就為入行首個個人掛帥清談節目《Mayanne小喇叭》接受電台節目《星光背後》專訪，首次披露當年選美後一度婉拒陳志雲遊說簽約的原因、及憑「下把位」主持上位的過程，還大談唯一緋聞對象許文軒的真正關係。
加拿大出生和長大的麥美恩，於2011年返港參選港姐入行的麥美恩（Mayanne），先成為TVB收費台娛樂新聞主播，及至13年憑著夥拍森美主持《學是學非》成功上位。憶起當年不理父母反對隻身回港發展，麥美恩否認當年選美是為了入行，「選港姐純粹因為好奇心，我嗰陣諗住一選完就返加拿大，因為我二哥要結婚！」
原來當年麥美恩奪得港姐第四名後，TVB即時計劃開一横線節目讓她主持，當時的總經理陳志雲（Stephen）力邀她留港簽約，但她為親情無奈放棄這難得機會，「這是我第一次講，當年我係好掙扎拒絕咗陳志雲先生，好唔好意思，佢好有慧眼，響佢十樓office，佢不停咁說服我，但我不停咁拒絕佢。」麥美恩坦言希望透過這次專訪，向陳志雲說聲不好意思。
當年返加國參加完胞兄婚禮後，麥美恩本來已打定輸數留加拿大發展，怎料不久再獲TVB邀回港試鏡，成功後更獲安排一份有月薪人工的娛樂新聞主播工作，Mayanne坦言選美時已表明想做主持，從沒想過當演員：「我自知之明好強，知自己唔靚，我真係一舊飯、一舊蕃薯咁樣入TVB，但我性格優勝在nothing to lose！」
至於後來主動申請轉至翡翠台加入《學是學非》，終憑「下把位」彈起，麥美恩就表示：「選完港姐之後已經冇港姐包袱，喺香港，唔係好多女仔可以做到下把，但對於我嚟講又好容易，我睇好多外國節目女仔做「下把位」做得好好，我唔覺得係畀人恥笑，人哋笑我係因為開心！」她透露森美是一個好好的「上把位」：「佢feel到我有嘢同玩得，feel到我識反口咬佢，但我玩得之餘係尊重嘅 ，私底下係humble。」
麥美恩因為形象開心搞笑，而被不少網民推舉「Girlfriendable」（適合女朋友），但入行至今11年，她只跟主持拍檔許文軒傳過緋聞：「我哋兩個太friend啦，我尋晚都有同佢呻咗成個鐘，同埋佢又雙子座、我又雙魚座，大家啲性格好浮動，同埋大家好無分彼此！雖然佢係我前輩，但我哋可以好似八婆咁傾計。」
麥美恩再度澄清，強調二人根本沒有發展機會：「我哋係冇分男同女，總之我哋係乜嘢都傾，佢又會明白我，因為大家都係主持，接觸嘅範圍同遇到嘅困難好似，有啲咩我都會徵求佢意見。」在節目上，她解釋沒與其他男藝員傳過緋聞原因：「佢哋成日當我係男仔咁玩，我冇發電嘅能力，完咗節目我真係收工，冇額外空間！」
同場加映：【衝出嚟玩】最新影片
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
